തീയേറ്റർ പീഡനം ; അമ്മക്കേതിരെയും , മൊയ്തീൻ കുട്ടിക്ക് എതിരെയും പ്രോക്സോ നിയമ പ്രകാരം കേസ് എടുത്തു.
പോക്‌സോ നിയമപ്രകാരമാണ് മൊയ്തീന്‍ കുട്ടിക്കും ബാലികയുടെ അമ്മയ്ക്കുമെതിരേ കേസെടുക്കുന്നത്. നേരത്തേയും ഇയാള്‍ ബാലികയെ പീഡിപ്പിച്ചിരുന്നുവെന്നും പൊലീസിനു സൂചന കിട്ടിയിട്ടുണ്ട്.
ചൈല്‍ഡ് ലൈന്‍ പ്രവര്‍ത്തകര്‍ കുട്ടിയെ നേരില്‍ കണ്ടു മൊഴി രേഖപ്പെടുത്തും. കുട്ടിയുടെ മൊഴിയായിരിക്കും അമ്മയ്ക്കും മൊയ്തീന്‍ കുട്ടിക്കുമെതിരേ നിര്‍ണായകമായി മാറുക. മാത്രമല്ല, തീയറ്ററിലെ ദൃശ്യങ്ങളും പീഡനത്തിനു സാക്ഷിയായുണ്ട്.
ദൃശ്യങ്ങള്‍ അധികൃതര്‍ക്കു നല്കിയ തീയറ്റര്‍ ഉടമയെ എംസി ജോസഫൈന്‍ നേരിട്ടുകണ്ട് അഭിനന്ദനമറിയിച്ചു.
അഭിഭാഷകനെ കണ്ട് മുന്‍കൂര്‍ ജാമ്യമെടുക്കുന്നതിന് എത്തിയ വേളയിലാണ് പ്രതി ഇന്നലെ അറസ്റ്റിലായത്.
ഇതേസമയം, ഈ കേസ് തേച്ചുമാച്ചു കളയാന്‍ ശ്രമിച്ചതിനും കേസൊതുക്കാന്‍ ശ്രമിച്ചതിനും ചങ്ങരംകുളം എസ്‌ഐ കെ.ജി. ബേബിയെ തൃശൂര്‍ റേഞ്ച് ഐജി അന്വേഷണ വിധേയമായി സസ്‌പെന്‍ഡ് ചെയ്തു.
ഇക്കഴിഞ്ഞ ഏപ്രില്‍ 18നാണ് തീയറ്ററില്‍ രണ്ടു മണിക്കൂറോളം കുട്ടി പീഡനത്തിനിരയായയത്. തീയറ്ററിലെ സിസി ടിവി കാമറയില്‍ പതിഞ്ഞ ദൃശ്യങ്ങള്‍ തീയറ്റര്‍ ഉടമകള്‍ ചൈല്‍ഡ് ലൈന്‍ പ്രവര്‍ത്തകര്‍ക്കു കൈമാറുകയായിരുന്നു.
അച്ഛനെക്കാള്‍ പ്രായമുള്ള മൊയ്തീന്‍ കുട്ടി ബാലികയെ ലൈംഗികമായി പീഡിപ്പിച്ചുവെന്നതിന് ദൃശ്യങ്ങള്‍ തെളിവാണ്. കുട്ടിയും അമ്മയും ആദ്യം തീയറ്ററിലെത്തി. പിന്നാലെ, ബെന്‍സ് കാറിലെത്തിയ മൊയ്തീന്‍ കുട്ടിയും ഇവരുടെ നടുക്കായി വന്നിരിക്കുകയായിരുന്നു. പിന്നീടാണ് പീഡനം നടന്നത്. ഇടയ്ക്ക് ഇയാള്‍ അമ്മയേയും കൈവയ്ക്കുന്നതും ദൃശ്യങ്ങളില്‍ കാണാം.
No comments