ഗോവക്ക് മുന്നിൽ ദയനീയ തോൽവി ഏറ്റുവാങ്ങി ബ്ലാസ്റ്റേഴ്സ്..

കേരള ബ്ലാസ്റ്റേഴ്‍സ് ഇന്ന് സ്വന്തം കാണികള്‍ക്ക് മുമ്ബില്‍ ഗോവയോട് അടിയറവ് പറഞ്ഞു. ഒന്നിനെതിരെ മൂന്നു ഗോളുകള്‍ക്കായിരുന്നു മഞ്ഞപ്പടയുടെ ദയനീയ തോല്‍വി. കളി തുടങ്ങി പതിനൊന്നാം മിനിറ്റില്‍ തന്നെ ഗോവന്‍ പട കൊമ്ബന്‍മാരുടെ ഗോള്‍ വല കുലുക്കി. അഹമ്മദ് ജഹോയുടെ അളന്നുമുറിച്ച ക്രോസില്‍ നിന്ന് ഫെറാന്‍ കൊറോമിനസാണ് ബ്ലാസ്റ്റേഴ്‍സിന്‍റെ വല തുളച്ചത്.
കളിയുടെ തുടക്കം മുതല്‍ ഗോവന്‍ പടയുടെ ആക്രമണമായിരുന്നു. ഒരു തരത്തിലും ബ്ലാസ്റ്റേഴ്‍സിനെ നിലയുറപ്പിക്കാന്‍ ഗോവ സമ്മതിച്ചില്ല. സര്‍വാധിപത്യത്തോടെയായിരുന്നു ഗോവയുടെ ആക്രമണങ്ങള്‍ മുഴുവന്‍. ഇഞ്ചുറി ടൈമിൽ ബ്ലാസ്റ്റേഴ്സ് ന് വേണ്ടി നികോള ഗോൾ നേടിയെങ്കിലും തോൽവി യുടെ അഗാതം ഒട്ടും കുറച്ചില്ല.