ബാബു വധം; ജെറിൻ സുരേഷിനെ പോലീസ് അറസ്റ്റ് ചെയ്തത് വിവാഹത്തിന് മണിക്കൂറുകൾക്ക് മുമ്പ്.

സിപിഎം നേതാവ് ബാബു കൊല്ലപ്പെട്ട കേസിൽ പോലീസ് 12 ഓളം ആർഎസ്എസ് ബിജെപി പ്രവർത്തകരെ അറസ്റ്റ് ചെയ്തു. പുതുച്ചേരി പോലീസിലെ പ്രത്യേക അന്വേഷണ സംഘം ആണ് സംശയം തോന്നിയ ആർഎസ്എസ് ബിജെപി പ്രവർത്തകരെ അറസ്റ്റ് ചെയ്തത്. ഇക്കൂട്ടത്തിൽ കസ്റ്റഡിയിൽ എടുത്ത ജെറിൻ സുരേഷ് എന്ന യുവാവിന്റെ വിവാഹം ഇന്ന് നടക്കാനിരിക്കെയാണ് പുലർച്ചെ വീട്ടിൽ കയറി ജെറിൻ സുരേഷ് നേ കസ്റ്റഡിയിലെടുത്തത്. ഇതിനെ തുടർന്ന് വിവാഹം മുടങ്ങി. തുടർന്ന് ആർഎസ്എസ് ബിജെപി പ്രവർത്തകർ പോലീസ് സ്റ്റേഷൻ ഉപരോധിച്ചു. അറസ്റ്റിലായ മറ്റുള്ളവിരുടെ വിവരം പുറത്ത് വിടാൻ പോലീസ് തയ്യാറായില്ല. അന്വേഷണം പുരോഗമിക്കുകയാണെന്നും, കൂടുതൽ വിവരങ്ങൾ പുറത്ത് വിടാൻ സാധിക്കില്ല എന്നുമാണ് പോലീസിന്റെ പക്ഷം.