അമിത് ഷായ്ക്കെതിരെ നേര്‍ക്കുനേര്‍ പൊരുതുന്ന ഷാര്‍പ്പ് ഷൂട്ടര്‍. കെ സിയ്ക്കിത് രാഹുലിന്‍റെ സ്നേഹ സമ്മാനം. പുതിയ ചുമതലയോടെ കെ സി പാര്‍ട്ടിയില്‍ രണ്ടാമന്‍. ഫലത്തില്‍ ആന്റണിക്കും മീതെ
ഏറ്റവും ഒടുവില്‍ തെലങ്കാനയില്‍ പുതിയ പാര്‍ലമെന്‍ററി പാര്‍ട്ടി നേതാവിനെ തെരഞ്ഞെടുക്കാന്‍ രാഹുല്‍ നിയമിച്ചതും വേണുഗോപാലിനെ ആയിരുന്നു.
ഏല്‍പ്പിക്കുന്ന ദൌത്യങ്ങളൊക്കെ വന്‍ വിജയമായതാണ് കെ സിക്ക് തുണയായത്. അതിനു തുടക്കം കര്‍ണ്ണാടകയില്‍ നിന്നായിരുന്നു.
കുതന്ത്രങ്ങളില്‍ പേരുകേട്ട അമിത് ഷായും യെദൂരപ്പയും ഒപ്പം നിന്ന് നേര്‍ക്കുനേര്‍ പൊരുതിയിടത്താണ് സ്വന്തം എം എല്‍ എമാരെ ഒരു കുടക്കീഴില്‍ ചേര്‍ത്ത് നിര്‍ത്തി ജെ ഡി എസിനെ ഒപ്പം കൂട്ടി കര്‍ണ്ണാടകയില്‍ ഭരണം പിടിച്ചത്.
രാജസ്ഥാനില്‍ ഭരണമാറ്റം സുഗമമാക്കിയതിലും കെ സിയുടെ പങ്ക് നിര്‍ണ്ണായകമായിരുന്നു. മുഖ്യമന്ത്രി സ്ഥാനത്തിനായി സച്ചിന്‍ പൈലറ്റും അശോക്‌ ഗെലോട്ടും ഒപ്പമുള്ള എം എല്‍ എമാരെ ചേര്‍ത്ത് നിര്‍ത്തി പരസ്പരം പൊരുതിയപ്പോള്‍ ഇരുവര്‍ക്കുമിടയില്‍ അനുനയത്തിന്റെ പാത പിന്തുടര്‍ന്ന്‍ എം എല്‍ എമാര്‍ പരിധി ലംഘിച്ച് പ്രതികരിക്കാതെ എല്ലാം സുഗമമാക്കിയത് കെ സിയുടെ വിരുതായിരുന്നു.
അതോടെ കെ സി വേണുഗോപാല്‍ എന്ന ദൌത്യ നിര്‍വാഹകനില്‍ രാഹുലിന് ആശ്വാസമായി. തുടര്‍ന്നായിരുന്നു തെലങ്കാനയുടെ നിര്‍ണ്ണായക ദൌത്യവും കെ സിയ്ക്ക് നല്‍കുന്നത്.
ഒടുവില്‍ പാര്‍ട്ടിയില്‍ എ ഐ സി സി അധ്യക്ഷന്‍ കഴിഞ്ഞാല്‍ പിന്നെയുള്ള നിര്‍ണ്ണായക ചുമതലയായ സംഘടനാ ചുമതലയിലേക്ക് കെ സി നിയോഗിക്കപ്പെട്ടിരിക്കുകയാണ്. പാര്‍ട്ടിയില്‍ രണ്ടാമനെന്നു പറഞ്ഞാലും തകരാറില്ല. കാരണം ഇപ്പോള്‍ എ കെ ആന്റണിയും മേലാണ് കെ സി യുടെ സ്ഥാനം.
No comments