എസ്പിയേയും ബിഎസ്പിയേയും പിന്തള്ളി, യുപിയില്‍ പ്രിയങ്കയുടെ ചിറകിലേറി കോണ്‍ഗ്രസ്.. പ്രിയങ്ക ഇഫക്ട് ഉത്തരേന്ത്യ മുഴുവൻ.
പൗരത്വ നിമയ ഭേദഗതിക്കെതിരായി വലിയ പ്രതിഷേധങ്ങളായിരുന്നു ഉത്തര്‍ പ്രദേശിന്‍റെ തെരുവകളില്‍ അരങ്ങേറിയിരുന്നത്.
പൗരത്വ നിയമ ഭേദഗതിക്കെതിരായ പ്രക്ഷോഭങ്ങള്‍ ഉത്തര്‍പ്രദേശ് രാഷ്ട്രീയത്തെ വലിയ തോതില്‍ മാറ്റിയെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
സംസ്ഥാനത്തുടനീളം നിരവധി പ്രതിഷേധങ്ങള്‍ക്ക് നേതൃത്വം നല്‍കിയ സമാജ് വാദി പാര്‍ട്ടിയാണ് സംസ്ഥാനത്ത് കലാപത്തിന് നേതൃത്വം നല്‍കുന്നതെന്ന് ഭരണകക്ഷിയായ ബിജെപി ആരോപിക്കുന്നുണ്ടെങ്കിലും പ്രതിഷേധങ്ങളുടെ വെള്ളിവെളിച്ചത്തിലേക്കെത്താന്‍ എസ്പിക്ക് സാധിച്ചിട്ടില്ല.
എസ്പി നേതാവ് അഖിലേഷ് യാദവും ബിഎസ്പി മേധാവി മായാവതിയും സോഷ്യല്‍ മീഡിയയില്‍ സജീവമായിരുന്നെങ്കിലും പ്രതിഷേധങ്ങളുടെ നേതൃത്വം എറ്റെടുക്കുന്നതില്‍ സജീവമായിരുന്നില്ല.
പ്രിയങ്ക ഗാന്ധിക്കൊപ്പം കോണ്‍ഗ്രസ് പ്രവര്‍ത്തര്‍ പൗരത്വ നിയമഭേദഗതിക്കെതിരായി തെരുവിലേക്ക് ഇറങ്ങി. അടിച്ചമര്‍ത്തപ്പെട്ടവരുടെ ശബ്ദം പ്രിയങ്ക രാജ്യത്തിന് മുന്നിലെത്തിച്ചു.
ഏപ്രില്‍-മെയ് മാസങ്ങളിലായി നടന്ന പാര്‍ലമെന്‍റ് തിരഞ്ഞെടുപ്പിന് ശേഷം മുതല്‍ പ്രിയങ്ക യുപിയില്‍ സജീവമായി ശ്രദ്ധേകേന്ദ്രീകരിക്കുകയാണ്. ക്രമസമാധാനം ഉള്‍പ്പടേയുള്ള വിഷയങ്ങളില്‍ യോഗി ആദിത്യനാഥ് സര്‍ക്കാറിനെതിരെ അവര്‍ നിരന്തരം വിമര്‍ശനങ്ങള്‍ ഉന്നയിച്ചുകൊണ്ടിരിക്കുന്നു.
പൗരത്വ നിയമ ഭേദഗതിക്കെതിരായ പ്രക്ഷോഭങ്ങളില്‍ ഉത്തര്‍പ്രദേശില്‍ കോണ്‍ഗ്രസ് എസ്പിയേയും ബിഎസ്പിയേയും പിന്നിലാക്കിയെന്നാണ് ലഖ്‌നൗവിലെ സെന്റർ ഫോർ ഒബ്ജക്ടീവ് റിസർച്ച് ആന്റ് ഡവലപ്മെൻറ് ഡയറക്ടർ അത്താര്‍ ഹുസൈൻ അഭിപ്രായപ്പെടുന്നത്.
മുന്‍പ്രധാനമന്ത്രി രാജീവ് ഗാന്ധിയുടെ മകളായ പ്രിയങ്ക ഗാന്ധി റോഡുകളിലൂടെ പോയാല്‍, സാധാരാണക്കാരെ കാണാന്‍ സ്കൂട്ടറില്‍ ഓടിക്കുകയാണെങ്കില്‍ അവള്‍ ശ്രദ്ധിക്കപ്പെടും.
രാഹുലിന്‍റെ അമേഠി സീറ്റ് നഷ്ടമായപ്പോള്‍ സോണിയ ഗാന്ധി മത്സരിച്ച റായ്ബറേലിയില്‍ മാത്രമാണ് ലോക്സഭാ തിരഞ്ഞെടുപ്പില്‍ കോണ്‍ഗ്രസിന് വിജയിക്കാന്‍ സാധിച്ചിരുന്നത്.
ജനക്കൂട്ടങ്ങളെ സ്വാധീനിക്കാന്‍ കഴിയുന്നൊരു വ്യക്തിയാണ് പ്രിയങ്ക. എന്നാല്‍ ആ ജനക്കൂട്ടം പൗരത്വ നിയമ ഭേദഗതിയേയോ കോണ്‍ഗ്രസിന്‍റെ നിലപാടിനെയോ മനസ്സിലാക്കുന്നില്ലെന്നാണ് ലഖ്നൗ യുണീവേഴ്സിറ്റിയെ പൊളിറ്റിക്സ് വിഭാഗം പ്രൊഫസറായ എസ്കെ ദ്വിവേദി അഭിപ്രായപ്പെടുന്നത്.
സിഎഎ വിരുദ്ധ പ്രക്ഷോഭങ്ങളിലൂടെ കോണ്‍ഗ്രസ് തങ്ങളുചെ പഴയ വോട്ട് ബാങ്കായ മുസ്ലിം വിഭാഗത്തെ വീണ്ടും തങ്ങളോട് അടുപ്പിക്കാന്‍ ശ്രമിക്കുന്നതായും രാഷ്ട്രീയ നീരീക്ഷകര്‍ വിലയിരുത്തുന്നു.
No comments