കോവിഡ്​ പ്രതിരോധത്തിനായി പ്രയത്​നിക്കുന്ന സിവില്‍ സര്‍വീസുകാരെ അഭിനന്ദിച്ച്‌​ മോദി

രാജ്യത്ത്​ നിന്ന്​ കോവിഡ് 19നെ തുടച്ചുമാറ്റുന്നതിന്​ പ്രയത്​നിച്ചു കൊണ്ടിരിക്കുന്ന സിവില്‍ സര്‍വീസ്​ ഉദ്യോഗസ്ഥരുടെ ശ്രമങ്ങളെ പ്രശംസിച്ച്‌​ പ്രധാനമന്ത്രി നരേന്ദ്ര മോദി. സിവില്‍ സര്‍വീസ്​ ദിനമായി ആചരിക്കുന്ന ഇന്ന്​ എല്ലാ ഉദ്യോഗസ്ഥര്‍ക്കും കുടുംബാംഗങ്ങള്‍ക്കും ആശംസകള്‍ അറിയിക്കുന്നതായി മോദി ട്വീറ്റ്​ ചെയ്​തു.

ഇന്ത്യയില്‍ കോവിഡ് 19നെ വിജയകരമായി കീഴ്​പ്പെടുത്തുന്നതിന്​ വേണ്ടിയുള്ള സിവില്‍ സര്‍വീസുകാരുടെ ശ്രമങ്ങളെ അഭിനന്ദിക്കുന്നു. അവര്‍ സമയം മുഴുവന്‍ പ്രവര്‍ത്തിക്കുകയും മറ്റുള്ളവരെ സഹായിക്കുകയും ഒപ്പം എല്ലാവരും ആരോഗ്യവാന്മാരാണെന്ന് ഉറപ്പാക്കുകയും ചെയ്യുന്നുണ്ട്​ -പ്രധാനമന്ത്രി ട്വീറ്റില്‍ കുറിച്ചു.