മലയാളികളുടെ മടക്കം: കര്ണാടകയില് നിന്ന് ബസ് സര്വ്വീസുമായി കോണ്ഗ്രസ്
ലോക്ക്ഡൗണിനെ തുടര്ന്ന് കര്ണാടകയില് കുടുങ്ങി കിടക്കുന്ന മലയാളികളെ കേരളത്തിലെത്തിക്കുന്നതിനായി കോണ്ഗ്രസിന്റെ നേതൃത്വത്തില് ബസ് സര്വ്വീസ്. കെപിസിസി അധ്യക്ഷന് മുല്ലപ്പള്ളി രാമചന്ദ്രനാണ് ഇക്കാര്യം അറിയിച്ചത്. കെപിസിസിയുടെ അഭ്യര്ത്ഥന പ്രകാരം കര്ണാടക പ്രദേശ് കോണ്ഗ്രസ് കമ്മിറ്റി പ്രസിഡന്റ് ഡി കെ ശിവകുമാറാണ് മലയാളികളെ സഹായിക്കാനും നാട്ടിലെത്തിക്കാനുമുള്ള ബസ് സൗകര്യം ഒരുക്കിയതെന്നും മുല്ലപ്പള്ളി പറഞ്ഞു.
ഇതുമായി ബന്ധപ്പെട്ട് കര്ണാടക പ്രദേശ് കോണ്ഗ്രസ് കമ്മിറ്റി ഒരു ഹെല്പ്പ് ഡെസ്ക് ആരംഭിച്ചിട്ടുണ്ട്. എന് എ ഹാരിസ് എംഎല്എയ്ക്കാണ് ഹെല്പ്പ് ഡെസ്കിന്റെ ഏകോപന ചുമതല. കര്ണാടക-കേരള സര്ക്കാരുകളുടെ പാസുകള് കിട്ടുന്നവര്ക്ക് കേരളത്തിലേക്കുള്ള യാത്രയ്ക്കായുള്ള സഹായം ഹെല്പ്പ് ഡെസ്ക് വഴി ലഭിക്കും.
No comments