നടന്‍ ഗോകുലന്‍ വിവാഹിതനായി; വീഡിയോ കാണാം

നടന്‍ ഗോകുലന്‍ വിവാഹിതനായി. പെരുമ്ബാവൂര്‍ അയ്മുറി സ്വദേശിയാണ് ധന്യയാണ് വധു. പെരുമ്ബാവൂര്‍ ഇരവിച്ചിറ ക്ഷേത്രത്തില്‍വച്ചായിരുന്നു വിവാഹം. ലോക്ക്‌ഡൗണ്‍ കാലത്ത് സര്‍ക്കാരും ആരോഗ്യവകുപ്പും നിര്‍ദ്ദേശിക്കുന്ന എല്ലാ നിയന്ത്രണങ്ങളും പാലിച്ചുകൊണ്ടായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്‍ പങ്കെടുത്തത്.

കുടുംബശ്രീ ട്രാവല്‍സ് എന്ന ചിത്രത്തിലൂടെ സിനിമാജീവിതം തുടങ്ങിയ ഗോകുലന്‍ പിന്നീട് ആമേന്‍, പുണ്യാളന്‍ അഗര്‍ബത്തീസ്, സപ്തമശ്രീ തസ്കര, ഇടി,പത്തേമാരി, ഉണ്ട, എന്റെ ഉമ്മാന്റെ പേര്, വാരിക്കുഴിയിലെ കൊലപാതകം എന്നിങ്ങനെ നിരവധി ചിത്രങ്ങളില്‍ അഭിനയിച്ചു. നാടകത്തില്‍ നിന്നുമാണ് ഗോകുലന്‍ സിനിമയിലേക്ക് എത്തുന്നത്.