പ്രവാസി മലയാളികളെ രണ്ടാഴ്ച കഴിയാതെ വീട്ടിലേക്ക് വിടില്ല; സര്ക്കാര് ക്വാറന്റൈന് നിര്ബന്ധം
വിദേശത്തുനിന്നും മടങ്ങിയെത്തുന്ന മലയാളികള്ക്ക് 14 ദിവസം ക്വാറന്റൈന് നിര്ബന്ധമാക്കുമെന്ന് സംസ്ഥാന സര്ക്കാര്. മടങ്ങിയെത്തുന്നവര് സര്ക്കാര് നിശ്ചയിക്കുന്ന ക്വാറന്റൈന് കേന്ദ്രങ്ങളില് രണ്ടാഴ്ച കഴിഞ്ഞതിനു ശേഷം മാത്രമേ വീടുകളിലേക്ക് മടക്കൂ. ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം.
ഏഴ് ദിവസം സര്ക്കാര് ക്വാറന്റൈനിലും തുടര്ന്ന് ഏഴ് ദിവസം വീട്ടില് ക്വാറന്റൈനിലും എന്നായിരുന്നു ആദ്യ തീരുമാനം. എന്നാല് സര്ക്കാര് കേന്ദ്രങ്ങളില് തന്നെ 14 ദിവസം ക്വാറന്റൈന് നിര്ബന്ധമാക്കണമെന്ന് കേന്ദ്രം കര്ശന നിര്ദേശം നല്കി. ഇതോടെയാണ് തീരുമാനത്തില് മാറ്റമുണ്ടായത്.
No comments