നടിയും ബിജെപി നേതാവുമായ ഖുശ്ബു സുന്തര് സഞ്ചരിച്ച കാര് അപകടത്തില്പ്പെട്ടു
നടിയും ബിജെപി നേതാവുമായ ഖുശ്ബു സുന്തര് സഞ്ചരിച്ച കാര് അപകടത്തില്പ്പെട്ടു. തമിഴ്നാട്ടിലെ മേല്മാവത്തൂരില് വെച്ചാണ് അപകടം. ഗൂഡല്ലൂരിലെ വേല്യാത്രയില് പങ്കെടുക്കാന് പോകവെയാണ് കാര് അപകടത്തില്പ്പെട്ടത്.
അതേസമയം, താന് സുരക്ഷിതയാണെന്നും പോലീസ് അന്വേഷണം ആരംഭിച്ചിട്ടുണ്ടെന്നും നടി ട്വീറ്റ് ചെയ്തു. ഒരു ട്രക്ക് ഞങ്ങളുടെ കാറില് ഇടിച്ചു കയറുകയായിരുന്നു. വേല്യാത്രയില് പങ്കെടുക്കാന് കൂടല്ലൂരിലേക്കുള്ള യാത്ര തുടരുമെന്നും ഖുശ്ബു അറിയിച്ചു. വേല് മുരുഗന് തങ്ങളെ രക്ഷിച്ചുവെന്നും മുരുഗനില് തന്റെ ഭര്ത്താവ് അര്പ്പിച്ചിട്ടുള്ള വിശ്വാസത്തിന്റെ ദൃഷ്ടാന്തമാണിതെന്നും താരം കൂട്ടിച്ചേര്ത്തു.
No comments