പാലക്കാട് ജില്ലയില്‍ ഇന്ന് (ജനുവരി 30) 256 പേര്‍ക്ക് കോവിഡ് 19

 

പാലക്കാട്: പാലക്കാട് ജില്ലയില്‍ ഇന്ന് (ജനുവരി 30) 256 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്ബര്‍ക്കത്തിലൂടെ രോഗബാധ ഉണ്ടായ 117 പേര്‍, ഉറവിടം അറിയാതെ രോഗം ബാധിച്ച 134 പേര്‍, ഇതര സംസ്ഥാനത്ത് നി ന്നും വിദേശത്തുനിന്നുമായി വന്ന 2 പേര്‍, 3 ആരോഗ്യ പ്രവര്‍ത്തകര്‍ എന്നിവര്‍ ഉള്‍പ്പെടും. 865 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇതോടെ ജില്ലയില്‍ ചികിത്സയിലുള്ളവരുടെ എണ്ണം 3435 ആയി. ജില്ലയില്‍ ചികിത്സയില്‍ ഉള്ളവര്‍ക്ക് പുറമെ പാലക്കാട് ജില്ലക്കാരായ ഒരാള്‍ വീതം പത്തനംതിട്ട, കോട്ടയം, വയനാട് ജില്ലകളിലും, രണ്ടുപേര്‍ ഇടുക്കി ജില്ലകളിലും മൂന്ന് പേര്‍ ആലപ്പുഴ, 4 പേര്‍ തിരുവനന്തപുരം ജില്ലയിലും, 19 പേര്‍ കോഴിക്കോട്, 32 പേര്‍ തൃശ്ശൂര്‍, 51 പേര്‍ എറണാകുളം ജില്ലകളിലും, 109 പേര്‍ മലപ്പുറം ജില്ലകളിലും ചികിത്സയിലുണ്ട്.