രാജ്യദ്രോഹക്കേസില് ചലച്ചിത്ര പ്രവര്ത്തക ഐഷ സുല്ത്താനയ്ക്ക് ഹൈക്കോടതി മുന്കൂര് ജാമ്യം അനുവദിച്ചു
കൊച്ചി: രാജ്യദ്രോഹക്കേസില് ചലച്ചിത്ര പ്രവര്ത്തക ഐഷ സുല്ത്താനയ്ക്ക് ഹൈക്കോടതി മുന്കൂര് ജാമ്യം അനുവദിച്ചു. ലക്ഷദ്വീപിലെ ഭരണ പരിഷ്കാരവുമായി ബന്ധപ്പെട്ട്, ചാനല് ചര്ച്ചയ്ക്കിടെ നടത്തിയ ബയോ വെപ്പണ് പരാമര്ശത്തെ തുടര്ന്നാണ് ഐഷയ്ക്ക് എതിരെ രാജ്യദ്രോഹം കുറ്റം ചുമത്തിയത്. ലക്ഷദ്വീപിലെത്തിയ ഐഷ, ക്വാറന്റീന് നിയമ ലംഘനങ്ങള് നടത്തിയെന്നാരോപിച്ചുള്ള രേഖകളും ദ്വീപ് ഭരണകൂടം ഹൈക്കോടതിയില് സമര്പ്പിച്ചിരുന്നു.
ഐഷ സുല്ത്താനയോട് അന്വേഷണ സംഘത്തിന് മുന്നില് ഹാജരാകാന് കോടതി ഇടക്കാല ഉത്തരവില് വ്യക്തമാക്കിയിരുന്നു. അറസ്റ്റ് ചെയ്യുകയാണെങ്കില് ജാമ്യത്തില് വിട്ടയാക്കാനും കോടതി നിര്ദ്ദേശിച്ചിരുന്നു.
No comments