പിണറായി - സുധാകരന് ഏറ്റുമുട്ടല്: ഒന്നുമറിയില്ലെന്ന് മമ്പറം ദിവാകരൻ..!! സുധാകരനെ പറഞ്ഞതിൽ ആലോചിക്കട്ടെ എന്ന് മമ്പറം..
കണ്ണൂര്: മുഖ്യമന്ത്രി പിണറായി വിജയനും കെ.പി.സി.സി പ്രസിഡന്റ് െക.സുധാകരനും തമ്മില് ബ്രണ്ണന് കോളജ് പഠനകാലത്ത് നടന്നുവെന്ന് പറയുന്ന സംഘട്ടനത്തെക്കുറിച്ച് തനിക്കൊന്നുമറിയില്ലെന്ന് കോണ്ഗ്രസ് നേതാവ് മമ്ബറം ദിവാകരന്.
1971ല് ഞാനും സുധാകരനും ഒന്നിച്ച് ബ്രണ്ണനില് പഠിച്ചയാളാണ്. ഞങ്ങളുടെ സീനിയര് ആയിരുന്നു പിണറായി വിജയന്. അന്ന് കോണ്ഗ്രസില് രണ്ടു വിഭാഗങ്ങളുണ്ടായിരുന്നു. ഇന്ദിരാ കോണ്ഗ്രസിനൊപ്പമായിരുന്നു ഞാന്. സംഘടനാ കോണ്ഗ്രസിലായിരുന്ന കെ. സുധാകരന് അന്ന് കെ.എസ്.യു വിരുദ്ധനായിരുന്നു.
പിണറായി വിജയന് ബ്രണ്ണന് കോളജില് വന്നപ്പോള് ചവിട്ടിവീഴ്ത്തിയെന്ന് കെ.സുധാകരന് പറയുന്ന സംഭവത്തെക്കുറിച്ച് ബ്രണ്ണനിലെ പഠനകാലത്ത് ആരും പറഞ്ഞുകേട്ടിട്ടില്ല. അന്ന് ഞങ്ങളും ഇടതുപക്ഷവും തമ്മില് നിരവധി സംഘട്ടനം ഉണ്ടായിട്ടുണ്ട്. മുന്മന്ത്രി എ.കെ. ബാലനായിരുന്നു അന്ന് ഇടതുവിദ്യാര്ഥി സംഘടനയുടെ നേതാവ്. പിണറായി വിജയെന്റ മക്കളെ തട്ടിക്കൊണ്ടുപോകാന് കെ. സുധാകരന് പദ്ധതിയിട്ടുവെന്ന മുഖ്യമന്ത്രി പിണറായി വിജയെന്റ വെളിപ്പെടുത്തല് പുതിയ അറിവാണെന്നും അതേക്കുറിച്ച് പണ്ടും ഇപ്പോഴും ആരും പറഞ്ഞുകേട്ടിട്ടില്ലെന്നും മമ്ബറം ദിവാകരന് പറഞ്ഞു.
No comments