എസ്.ബി.ഐ ബാങ്ക് ആക്രമണം: ജാമ്യമില്ല
തിരുവനന്തപുരം: ദേശീയ പണിമുടക്ക് ദിനത്തില്‍ സെക്രട്ടേറിയറ്രിന് സമീപത്തെ എസ്.ബി.എെ ട്രഷറി ബ്രാഞ്ച് അടിച്ചു തകര്‍ത്ത കേസിലെ പ്രതികളായ എന്‍.ജി.ഒ യൂണിയന്‍ നേതാക്കളുടെ
ജാമ്യഹര്‍ജി കോടതി തള്ളി. സര്‍ക്കാര്‍ ജീവനക്കാര്‍ തന്നെ പൊതുമുതല്‍ നശിപ്പിക്കുന്നത്
കുറച്ചു കാണാന്‍ കഴിയില്ലെന്നും കോടതി പറഞ്ഞു. ജില്ലാ പ്രിന്‍സിപ്പല്‍ സെഷന്‍സ് ജഡ്ജി കെ.ബാബുവാണ് കേസ് പരിഗണിച്ചത്.
നിലവില്‍ 15 പ്രതികളുള്ള കേസിലെ എട്ട് പ്രതികള്‍ മാത്രമാണ് കീഴടങ്ങിയത്.
എന്‍.ജി.ഒ യൂണിയന്‍ സംസ്ഥാന കമ്മിറ്റി അംഗവും ജി.എസ്.ടി വകുപ്പിലെ എസ്റ്റാബ്ളിഷ്‌മെന്റ് വിഭാഗം ഇന്‍സ്പെക്ടറുമായ സുരേഷ് ബാബു, ജില്ലാ സെക്രട്ടേറിയറ്റ് അംഗവും സാങ്കേതിക വിദ്യാഭ്യാസ ഡയറക്ടറേറ്റിലെ അറ്റന്‍ഡറുമായ ഹരിലാല്‍, ഏരിയാ സെക്രട്ടറിയും ജില്ലാ ട്രഷറി ഒാഫീസിലെ ക്ളാര്‍ക്കുമായ അശോകന്‍, ജി.എസ്.ടി വകുപ്പിലെ ഇന്‍സ്പെക്ടര്‍ സുരേഷ്, ട്രഷറി ഡയറക്ടറേറ്രിലെ ശ്രീവത്സന്‍, ആരോഗ്യ വകുപ്പിലെ ജീവനക്കാരായ ബിജു രാജ്, വിനുകുമാര്‍, അനില്‍കുമാര്‍ എന്നിവരാണ് പ്രതികള്‍.
No comments