22 വര്‍ഷം എം പി, 8 വര്‍ഷം എംഎല്‍എ, 1 തവണ കേന്ദ്ര മന്ത്രി, സംസ്ഥാന മന്ത്രി, 5 വര്‍ഷം പി എ സി ചെയര്‍മാന്‍ – കെ വി തോമസിനെ ഇനിയും മത്സരിപ്പിച്ച് തങ്ങളുടെ അവസരങ്ങള്‍ ബലികഴിക്കരുതെന്ന്‍ യുവ നേതാക്കള്‍
വീണ്ടും ലോക്സഭാ തെരഞ്ഞെടുപ്പില്‍ മത്സരത്തിനൊരുങ്ങുന്ന മുതിര്‍ന്ന കോണ്‍ഗ്രസ് നേതാവ് കെ വി തോമസിനെതിരെ പാര്‍ട്ടിയിലെ യുവതലമുറ വാളോങ്ങുന്നതില്‍ അതിശയോക്തിയുണ്ടോ എന്ന ചോദ്യത്തിന് ഉത്തരം വ്യക്തമാണ്.
കെ വി തോമസിനെ വീണ്ടും മത്സരിപ്പിക്കുന്നതിനെതിരെ കോണ്‍ഗ്രസ് ഹൈക്കമാന്റിനെ സമീപിച്ചിരിക്കുന്ന യുവ നേതാക്കള്‍ അദ്ദേഹത്തിനെതിരെ ചൂണ്ടിക്കാണിക്കുന്ന പ്രധാന കാര്യങ്ങള്‍ ഇവയാണ്.
കെ വി തോമസിനെ വീണ്ടും മത്സരിപ്പിക്കാനുള്ള നീക്കത്തിനെതിരെ പാര്‍ട്ടിയില്‍ വികാരം ശക്തമാണ്. എം പിയാണെങ്കിലും കേരളത്തിലെ പാര്‍ട്ടി പ്രവര്‍ത്തനങ്ങളിലോ പരിപാടികളിലോ അദ്ദേഹം സജീവമല്ലെന്നതാണ് മറ്റൊരു പ്രധാന ആരോപണം.
എറണാകുളത്തിന് പുറത്തെ പാര്‍ട്ടി പരിപാടികളില്‍ കെ വി തോമസിന്റെത് നാമമാത്ര സാന്നിധ്യം മാത്രമാണ്. പാര്‍ട്ടിക്കോ പാര്‍ട്ടി സ്ഥാപനങ്ങള്‍ക്കോ അദ്ദേഹം ഭരണത്തിലിരിക്കെ സാമ്പത്തിക സഹായങ്ങള്‍ ഉണ്ടായിട്ടില്ലെന്നതും പ്രധാന ആക്ഷേപം തന്നെ.
പാര്‍ട്ടി പരിപാടികളില്‍ അദ്ദേഹം മുഖം കാണിക്കുന്നത് എറണാകുളത്ത് മാത്രമാണ്. രാഹുല്‍ ഗാന്ധിയോ സോണിയാ ഗാന്ധിയോ കേരളത്തില്‍ വരുമ്പോഴും കെ വി തോമസ്‌ രംഗത്തുണ്ടാകും.
യുവ നേതാക്കളാണ് ഇതിനെതിരെ ഹൈക്കമാന്റിനേ സമീപിച്ചത്. പ്രധാന മന്ത്രി നരേന്ദ്ര മോഡിയെ പുകഴ്ത്തുന്ന തരത്തില്‍ കഴിഞ്ഞ വര്‍ഷം അദ്ദേഹം നടത്തിയ പ്രസംഗം ദേശീയ തലത്തില്‍ പാര്‍ട്ടിയെ സമ്മര്‍ദ്ദത്തിലാക്കിയിരുന്നു.
No comments