രാഹുല്‍ കര്‍ണാടകയില്‍ മത്സരിക്കുമെന്നാണ് പ്രതീക്ഷ; ദിനേശ് ഗുണ്ട്റാവു

ബെംഗളൂരു: ദക്ഷിണേന്ത്യയില്‍ മത്സരിക്കാന്‍ രാഹുല്‍ ഗാന്ധിയെ ആദ്യം സ്വാഗതം ചെയ്തത് കര്‍ണാടകയിലെ കോണ്‍ഗ്രസ് നേതാക്കളായ സിദ്ധരാമയ്യയും കര്‍ണാടക പിസിസി പ്രസിഡന്റ് ദിനേശ് ഗുണ്ട് റാവുവുമാണ്. കര്‍ണാടകയില്‍ നിന്നും മത്സരിക്കണമെന്ന് വീണ്ടും രാഹുലിനോട് ആവശ്യപ്പട്ടിട്ടുണ്ടെന്ന്റ് ദിനേശ് ഗുണ്ട്റാവു വ്യക്തമാക്കി. രാഹുല്‍ കര്‍ണാടകയില്‍ മത്സരിക്കുമെന്ന് തന്നെയാണ് പ്രതീക്ഷയെന്നും സംസ്ഥാനത്ത് രണ്ടാം ഘട്ട തെരഞ്ഞെടുപ്പ് നടക്കുന്ന മണ്ഡലങ്ങളിലൊന്ന് മത്സരിക്കാനായി എഐസിസി തെരഞ്ഞെടുക്കുമെന്നാണ് കരുതുന്നതെന്നും അദ്ദേഹം പറഞ്ഞു.

വയനാട് സീറ്റ് രാഹുല്‍ മത്സരിക്കുന്നതിനായി പരിഗണിക്കുന്നതിനെക്കുറിച്ച്‌ അറിയില്ലെന്ന് ഗുണ്ട്റാവു പറഞ്ഞു.

രാഹുല്‍ ദക്ഷിണേന്ത്യയില്‍ നിന്നും മത്സരിക്കുന്നെങ്കില്‍ അത് കര്‍ണാടകയില്‍ നിന്നാവണമെന്നാണ് തങ്ങളെല്ലാം ആഗ്രഹിക്കുന്നതെന്നും ദിനേശ് ഗുണ്ട്റാവു കൂട്ടിച്ചേര്‍ത്തു.