രാഹുല്‍ അമേഠി ഒഴിയും, വയനാട് നിലനിര്‍ത്തും ! അമേഠിയില്‍ പകരക്കാരിയാകുക പ്രിയങ്ക ! അമേഠി ഉപ തെരഞ്ഞെടുപ്പോടെ യുപിയിലെ മുഖമന്ത്രി കസേരയിലേക്ക് തേരോട്ടത്തിന് തുടക്കം കുറിയ്ക്കാന്‍ പ്രിയങ്കയുടെ പദ്ധതി ! വാരണാസിയില്‍ നിന്നുള്ള പ്രിയങ്കയുടെ പിന്മാറ്റത്തിന് കാരണം ഇങ്ങനെ ..
പുതുതായി തെരഞ്ഞെടുത്ത വയനാട് മണ്ഡലം രാഹുല്‍ ഗാന്ധി നിലനിര്‍ത്തും എന്നാണു ലഭിക്കുന്ന സൂചന. അമേഠിയില്‍ ഉപതെരഞ്ഞെടുപ്പില്‍ പ്രിയങ്കയെ മത്സരിപ്പിച്ച്‌ യു പിയില്‍ കോണ്‍ഗ്രസിന്റെ തേരോട്ടത്തിന് തുടക്കം കുറിയ്ക്കാനാണ് പദ്ധതി.
യു പിയില്‍ കോണ്‍ഗ്രസിനെ വീണ്ടും അധികാരത്തിലേക്ക് മടക്കിക്കൊണ്ടുവരികയെന്നതാണ് പ്രിയങ്കയുടെ ദൌത്യം.
അമേഠിയിലെ ഉപതെരഞ്ഞെടുപ്പോടെ ആ ദൌത്യത്തിനു തുടക്കമാകും. ഇതുവഴി സംസ്ഥാനം മുഴുവനുമുള്ള ശ്രദ്ധ അമേഠിയിലേക്കെത്തും. തുടര്‍ന്ന്‍ ഇവിടെ നിന്നും യു പി പിടിച്ചെടുക്കാനുള്ള തേരോട്ടത്തിന് തുടക്കം കുറിയ്ക്കാനാണ് പദ്ധതി.
രാഹുല്‍ ഗാന്ധി വയനാട് നിലനിര്‍ത്തുന്നതോടെ ദക്ഷിണേന്ത്യയില്‍ ബി ജെ പിയുടെ മുന്നേറ്റം തടയുകയെന്നതാണ് കോണ്‍ഗ്രസ് ലക്ഷ്യം വയ്ക്കുന്നത്.
ഒപ്പം പ്രിയങ്കയും ദക്ഷിണേന്ത്യയില്‍ പതിവ് സന്ദര്‍ശകയാകും. രാഹുലിന്റെ അഭാവം നികത്താന്‍ പ്രിയങ്കയുടെ സന്ദര്‍ശനങ്ങള്‍ വഴിവയ്ക്കും.
പ്രിയങ്ക ഗാന്ധിയെ അമേഠിയിൽ മൽസസരിപ്പിക്കുന്നത്തിലൂടെ കോൺഗ്രസ് ലക്ഷ്യം വെക്കുന്നത് യുപിയുടെ മുഖ്യ മന്ത്രി കസേരയാണ്. യുപിയിലെ ചുമതല ഏൽപിച്ചത് മുതൽ പ്രിയങ്ക ഗാന്ധി അവിടെ നിരവധി റാലികളും യാത്രകളും സങ്കടിപ്പിച്ചു.
No comments