കാസര്കോട്ടെ പോസ്റ്റല് വാലറ്റ് വിവാദം: ക്രൈംബ്രാഞ്ച് കണ്ടെത്തിയത് പൊളിക്കാത്ത 4 കവറുകൾ
തീയതി കഴിഞ്ഞതിനാല് അപേക്ഷാ കവറുകള് പൊളിച്ചു നോക്കേണ്ട കാര്യമില്ലെന്നാണ് ബന്ധപ്പെട്ട ഉദ്യോഗസ്ഥര് മൊഴി നല്കിയത്.
ഇലക്ഷന് കമ്മിഷന്റെ വിഷയം ആയതിനാല് കവര് പൊളിക്കാന് കോടതി ഉത്തരവ് വേണം. കേസില്ലാത്തതിനാല് ക്രൈംബ്രാഞ്ചിനും ഈ കവറുകള് പൊളിക്കാന് അനുവാദമില്ല. കേസ് രജിസ്റ്റര് ചെയ്താല് കവര് ബന്തവസില് എടുത്തു പൊളിച്ചു നോക്കാന് കഴിയും. ബേക്കല് പൊലീസ് സ്റ്റേഷനിലെ 33 പൊലീസുകാരുടെ അപേക്ഷയും ഈ കവറുകളില് ഒരുമിച്ചു ഉണ്ടാകും എന്നാണ് പ്രാഥമിക നിഗമനം.
കാസര്കോട്, ഉദുമ, തൃക്കരിപ്പൂര്, കാഞ്ഞങ്ങാട് നിയോജക മണ്ഡലങ്ങളിലെ അസി. റിട്ടേണിംഗ് ഓഫിസര്മാര്ക്ക് പോസ്റ്റല് ബാലറ്റ് ലഭിക്കുന്നതിന് ഡ്യൂട്ടിയിലുള്ള പൊലീസുകാര് അയച്ച അപേക്ഷയാണിത്. അപേക്ഷ അയച്ചിട്ടും പോസ്റ്റല് വോട്ട് ചെയ്യാനുള്ള അവകാശം നിഷേധിച്ചു എന്നാണ് പൊലീസുകാര് പരാതി ഉന്നയിച്ചിരുന്നത്. ഇതേ തുടര്ന്നാണ് ഡി.ജി.പി ക്രൈംബ്രാഞ്ച് അന്വേഷണം നടത്താന് ഉത്തരവിട്ടത്.
No comments