ഡല്ഹിയില് അമിത് ഷായ്ക്കൊപ്പം വാര്ത്താസമ്മേളനത്തില് മോദിയും
ഭരണനേട്ടങ്ങളില് ഊന്നല് നല്കിയാണ് അമിത് ഷാ വാര്ത്താ സമ്മേളനത്തില് സംസാരിക്കുന്നത്. സാധാരണക്കാരന്റെ ജീവിതനിലവാരം മോദിയുടെ ഭരണകാലത്ത് ഉയര്ന്നെന്നും, വികസനം വര്ദ്ധിച്ചെന്നും, എല്ലാ ആറ് മാസത്തിലും ഒരോ പുതിയ പദ്ധതികള് കൊണ്ടുവന്നെന്നും അമിത് ഷാ അവകാശപ്പെട്ടു.
വന്ഭൂരിപക്ഷത്തോടെ, മൂന്ന് പതിറ്റാണ്ടിന് ശേഷം ഒറ്റയ്ക്ക് ഭരണം പിടിക്കാന് കഴിഞ്ഞ ബിജെപി സര്ക്കാര് എല്ലാ വാഗ്ദാനങ്ങളും പാലിച്ചെന്ന് അമിത് ഷാ അവകാശപ്പെട്ടു.
തെരഞ്ഞെടുപ്പ് രംഗത്താകട്ടെ ബിജെപി ഒറ്റക്കെട്ടായി മുന്നോട്ടുപോവുകയാണെന്ന് അമിത് ഷാ പറഞ്ഞു. കൃത്യമായ പദ്ധതിയോടെയാണ് ലോക്സഭാ തെരഞ്ഞെടുപ്പിന് ബിജെപി ഒരുങ്ങിയത്.
ആറ് സര്ക്കാരുകള് മാത്രമുണ്ടായിരുന്ന ബിജെപി ഇപ്പോള് രാജ്യമെങ്ങുമുണ്ട്. ഇത് തങ്ങളുടെ ഭരണനേട്ടമാണെന്നും അദ്ദേഹം പറഞ്ഞു. കൃഷിക്കാര് മുതല്, മധ്യവര്ഗക്കാര് വരെയുള്ളവര്ക്കായി പദ്ധതികള് കൊണ്ടുവന്നു. ആയുഷ്മാന്ഭാരത്, ജന്ധന്യോജന എന്നിവ നേട്ടങ്ങളാണെന്നും അമിത് ഷാ വ്യക്തമാക്കി. അമിത് ഷാ വാര്ത്താ സമ്മേളനം നടത്തുമെന്നാണ് ആദ്യം വ്യക്തമാക്കിയിരുന്നത്. പിന്നീട് അപ്രതീക്ഷിതമായി നരേന്ദ്രമോദി കൂടി വാര്ത്താ സമ്മേളനത്തിനെത്തുകയായിരുന്നു.
No comments