കനത്ത മഴയ്ക്ക് സാധ്യത; ആറു ജില്ലകളില് ഓറഞ്ച് അലര്ട്ട്
കനത്ത മഴയ്ക്ക് സാധ്യതയുണ്ടെന്ന കാലാവസ്ഥാ നിരീക്ഷണ വകുപ്പിന്റെ അറിയിപ്പിനെ തുടര്ന്ന് സംസ്ഥാനത്തെ ആറു ജില്ലകളില് ഓറഞ്ച് അലര്ട്ട് പ്രഖ്യാപിച്ചു.
ആലപ്പുഴ, എറണാകുളം, ഇടുക്കി, മലപ്പുറം, വയനാട്, കണ്ണൂര് എന്നീ ജില്ലകള്ക്കാണ് ഓറഞ്ച് അലര്ട്ട് പറഞ്ഞിരിക്കുന്നത്.
അലര്ട്ട് പറഞ്ഞിരിക്കുന്ന ജില്ലകളില് ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയുണ്ടെന്നാണ് പ്രവചനം. പൊതുജനങ്ങളോട് ജാഗ്രത പാലിക്കാന് മുന്നറിയിപ്പ് നല്കിയിട്ടുണ്ട്.
കൂടാതെ പത്തനംതിട്ട, തൃശൂര്, പാലക്കാട്, കോഴിക്കോട്, കാസര്കോട് എന്നീ ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. ബന്ധപ്പെട്ട സര്ക്കാര് വകുപ്പുകളോടും ഉദ്യോഗസ്ഥരോടും തയാറെടുപ്പുകള് നടത്താനും താലൂക്ക് തലത്തില് കണ്ട്രോള് റൂമുകള് ആരംഭിക്കുവാനുമുള്ള നിര്ദേശം സംസ്ഥാന ദുരന്ത നിവാരണ അതോറിറ്റി നല്കിയിട്ടുണ്ട്.
No comments