പെരുമഴ തുടരുന്നു; ന്യൂനമര്ദ്ദം തീവ്രന്യൂനമര്ദ്ദമായി ശക്തി പ്രാപിക്കും, അഞ്ച് ജില്ലകളില് ഇന്ന് റെഡ് അലര്ട്ട്
സംസ്ഥാനത്ത് കനത്ത മഴ തുടരുന്നു. അറബിക്കടലില് രൂപം കൊണ്ട ന്യൂനമര്ദ്ദം തീവ്രന്യൂനമര്ദ്ദമായി കൂടുതല് ശക്തി പ്രാപിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. അഞ്ച് ജില്ലകളില് ഇന്ന് റെഡ് അലര്ട്ട് പ്രഖ്യാപിച്ചിട്ടുണ്ട്. സംസ്ഥാനത്ത് 20 ദുരിതാശ്വാസ ക്യാമ്ബുകളിലായി 30506 പേരാണുള്ളത്.
തെക്ക് കിഴക്കന് അറബിക്കടലില് രൂപം കൊണ്ട ന്യൂനമര്ദം ശക്തി പ്രാപിച്ച് 24 മണിക്കൂറിനുള്ളില് തീവ്രന്യൂനമര്ദ്ദമാകുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. ന്യൂനമര്ദ്ദം ശക്തി പ്രാപിച്ച് മഹാരാഷ്ട്ര തീരത്തേക്ക് നീങ്ങും. തുടര്ന്ന് ഇരുപത്തിനാലാം തിയതിയോടെ ചുഴലിക്കാറ്റായി ഒമാന് തീരത്തേക്കാകും സഞ്ചരിക്കുക.
No comments