'യെദിയൂരപ്പ സര്ക്കാര് താഴെ വീഴാന് സമ്മതിക്കില്ല'.. ബി.ജെ.പിയെ ജനതാദള് പിന്തുണയ്ക്കുമെന്ന് എച്ച്.ഡി കുമാരസ്വാമി.. കാരണം ഇത്..
കോണ്ഗ്രസ്-ജനതാദള് സഖ്യസര്ക്കാരിനെ അട്ടിമറിക്കാന് ചരട്വലിച്ചത് അമിത് ഷായാണെന്ന കര്ണാടക മുഖ്യമന്ത്രി ബി.എസ് യെദിയൂരപ്പയുടെ വെളിപ്പെടുത്തല് ഏറ്റെടുത്ത് കോണ്ഗ്രസ്.
യെദിയൂരപ്പയ്ക്കു മുഖ്യമന്ത്രിയായി തുടരാനുള്ള ധാര്മിക അവകാശം നഷ്ടപ്പെട്ടതായി മുന് മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ സിദ്ധരാമയ്യ പറഞ്ഞു.
യെദിയൂരപ്പയും അമിത് ഷായും ചെയ്തത് ജനാധിപത്യത്തെയും ഭരണഘടനയെയും ഇല്ലാതാക്കാനുള്ള ഗൂഡാലോചനയാണെന്ന് സിദ്ധരാമയ്യ ആരോപിച്ചു.
കര്ണാടകത്തിലെ കോണ്ഗ്രസ്-ജനതാദള് സഖ്യസര്ക്കാരിനെ താഴെയിറക്കിയതിനു ചരടുവലികള് നടത്തിയതു ബിജെപി അധ്യക്ഷന് അമിത് ഷാ ആണെ ന്നായിരുന്നു യെദിയൂരപ്പയുടെ വെളിപ്പെടുത്തല്.
'"നിങ്ങളെക്കൊണ്ടു തീരുമാനങ്ങളെടുപ്പിച്ചതു ഞാനല്ലെന്നു നിങ്ങള്ക്ക് അറിയാവുന്ന കാര്യമാണല്ലോ? അങ്ങനെയല്ലേ...ദേശീയ അധ്യക്ഷനാണ് എല്ലാത്തിനും മേ ല്നോട്ടം വഹിച്ചതും കാര്യങ്ങളെല്ലാം സജ്ജീകരിച്ചതും.
അതേസമയം, കുമാരസ്വാമി ബിജെപി അനുകൂല നിലപാട് സ്വീകരിച്ച് രംഗത്ത് വന്നു.
കര്ണാടകയില് വരുന്ന ഉപതിരഞ്ഞെടുപ്പില് ബിജെ.പിക്ക് വേണ്ടത്ര സീറ്റുകള് ലഭിക്കാതെ സര്ക്കാര് താഴെ വീഴുന്ന അവസ്ഥയുണ്ടായാല് ജനതാദള് യെദിയൂരപ്പ സര്ക്കാരിനെ പിന്തുണക്കുമെന്ന് ജനതാദള് എസ് നേതാവ് എച്ച്.ഡി കുമാരസ്വാമി.
സംസ്ഥാനം പ്രളയം സമ്മാനിച്ച ദുരന്തങ്ങളില് നിന്ന് കരകയറിയിട്ടില്ലെന്നും അതിനാല് ഒരു ഉപതിരഞ്ഞെടുപ്പ് പ്രായോഗികമല്ലെന്നും അതിനാലാണ് ബി.ജെ.പിയെ പിന്തുണക്കാനുള്ള തീരുമാനമെന്ന് കുമാരസ്വാമി പറഞ്ഞു.
ബംഗളൂരു പ്രസ് ക്ലബ്ബില് വാര്ത്താ സമ്മേളനത്തിലാണ് കുമാരസ്വാമി ജനതാദളിന്റെ നിലപാട് പ്രകടിപ്പിച്ചത്.
ബി.ജെ.പി.ബി.ജെ.പിയിലേക്ക് പോവാനുള്ള ജനതാദള് എം.എല്.എമാരുടെ നീക്കം തടയുന്നതിനാണ് കുമാരസ്വാമിയുടെ ഇപ്പോഴത്തെ നീക്കം എന്നാണ് സൂചനകള്. ബി.ജെ.പിയെ പിന്തുണച്ച് അധികാരത്തിന്റെ ഭാഗമായാല് എം.എല്.എമാരെ പിടിച്ചുനിര്ത്താം എന്ന് കുമാരസ്വാമി കരുതുന്നു.
No comments