പ്രവാസികളെ തിരികെ കൊണ്ടുവരുന്നതില് പ്രതികരണവുമായി വിദേശകാര്യ സഹമന്ത്രി വി.മുരളീധരന്. ക്വാറന്റീന് ഉറപ്പാക്കാതെ പ്രവാസികളെ എത്തിക്കുന്നത് പ്രശ്നങ്ങള് സൃഷ്ടിക്കുമെന്ന് അദ്ദേഹം പറഞ്ഞു. ഇതിനാലാണ് ഈ വിഷയത്തില് കേന്ദ്രം എടുത്തുചാടി തീരുമാനമെടുക്കാത്തത്. ജനങ്ങളുടെ സുരക്ഷയെ ബലികൊടുത്ത് തീരുമാനമെടുക്കാനാവില്ല. പ്രവാസികളെ എത്തിക്കാന് കേന്ദ്രം ശ്രമം തുടങ്ങിയെന്ന വാര്ത്ത തെറ്റിദ്ധാരണ സൃഷ്ടിക്കാനാണെന്നും മുരളീധരന് പറഞ്ഞു.
പ്രവാസികളെ നാട്ടിലെത്തിക്കാന് കേന്ദ്രസര്ക്കാര് ശ്രമം തുടങ്ങിയെന്ന വാര്ത്ത കഴിഞ്ഞ ദിവസം പ്രചരിച്ചിരുന്നു. എന്നാല്, ഇതുമായി ബന്ധപ്പെട്ട് യാതൊരു അറിയിപ്പും ലഭിച്ചിട്ടെല്ലെന്നായിരുന്നു മുഖ്യമന്ത്രി പിണറായി വിജയന് പറഞ്ഞത്.
No comments