രാജ്യത്ത് മൂന്നാംഘട്ട ലോക്ക്ഡൗണ് നാളെ മുതല്; കേന്ദ്ര ക്യാബിനറ്റ് സെക്രട്ടറി വിളിച്ച യോഗം തുടങ്ങി, പ്രവാസികളുടെ മടക്കം ചര്ച്ചയാകും
ലോക്ക് ഡൗണിന്്റെ മൂന്നാംഘട്ടം നാളെ ആരംഭിക്കുന്ന സാഹചര്യത്തില് സ്ഥിതിഗതികള് വിലയിരുത്താനും തുടര്നടപടികള്ക്കുമായി കേന്ദ്രക്യാബിനറ്റ് സെക്രട്ടറി വിളിച്ച യോഗം ആരംഭിച്ചു.
കേന്ദ്രസര്ക്കാരിലെ ഉന്നത ഉദ്യോഗസ്ഥരെ കൂടാതെ സംസ്ഥാനങ്ങളിലേയും കേന്ദ്രഭരണപ്രദേശങ്ങളിലേയും ചീഫ് സെക്രട്ടറിമാരും യോഗത്തില് വീഡിയോ കോണ്ഫറന്സ് വഴി പങ്കെടുക്കുന്നുണ്ട്. മൂന്നാംഘട്ട ലോക്ക് ഡൗണില് നല്കുന്ന ഇളവുകള് സംബന്ധിച്ച് നിലവിലുള്ള സംശയങ്ങളില് ഈ യോഗത്തില് ക്യാബിനറ്റ് സെക്രട്ടറി വിശദീകരണം നല്കും.
ചീഫ് സെക്രട്ടറിമാരെ കൂടാതെ സംസ്ഥാന പൊലീസ് മേധാവിമാരെല്ലാം യോഗത്തില് പങ്കെടുക്കുന്നുണ്ട്.
No comments