സിപിഎമ്മിന്റെ കക്ഷത്തില് തലവച്ചവരൊക്കെ പിന്നീട് ദുഃഖിച്ച ചരിത്രം മാത്രമേയുള്ളൂയെന്ന് ഉമ്മന്ചാണ്ടി.
സിപിഎമ്മിന്റെ കക്ഷത്തില് തലവച്ചവരൊക്കെ പിന്നീട് ദുഃഖിച്ച ചരിത്രം മാത്രമേയുള്ളൂയെന്ന് ഉമ്മന്ചാണ്ടി. നാലുദശാബ്ദത്തോളം യുഡിഎഫിന്റെ ഭാഗമായിരുന്ന കെ എം മാണി യുഡിഎഫിന്റെ ഉയര്ച്ചയിലും താഴ്ചയിലും ഒപ്പം നില്ക്കുകയും ഇടതുമുന്നണിക്കെതിരേ തോളാടുതോള് ചേര്ന്നുനിന്ന് ഇത്രയും കാലം വീറോടെ പോരാടുകയും ചെയ്തു. അതെല്ലാം മറന്ന് ഇത്തരമൊരു തീരുമാനം മാണിസാര് ഉണ്ടായിരുന്നെങ്കില് ഒരിക്കലും എടുക്കുമായിരുന്നില്ല. ജനാധിപത്യ മതേതര വിശ്വാസികളായ അണികള് ഈ തീരുമാനം അംഗീകരിക്കുകയില്ലെന്നും ഉമ്മന് ചാണ്ടി പറഞ്ഞു.
കെഎം മാണിയെ വേട്ടയാടിയതുപോലെ മറ്റൊരു നേതാവിനെയും സിപിഎം വേട്ടയാടിയിട്ടില്ല. നിയമസഭയിലും മറ്റും അദ്ദേഹത്തെ കായികമായിപ്പോലും തടഞ്ഞു.
No comments