ജനിതക മാറ്റം സംഭവിച്ച വൈറസ് സാന്നിധ്യത്തിന്റെ സാഹചര്യത്തില് ബ്രിട്ടനില് നിന്നുള്ള വിമാനങ്ങളുടെ വിലക്ക് നീട്ടി ഇന്ത്യ.
ന്യൂഡല്ഹി: ജനിതക മാറ്റം സംഭവിച്ച വൈറസ് സാന്നിധ്യത്തിന്റെ സാഹചര്യത്തില് ബ്രിട്ടനില് നിന്നുള്ള വിമാനങ്ങളുടെ വിലക്ക് നീട്ടി ഇന്ത്യ. ഡിസംബര് 23 നാണ് ഇന്ത്യ ബ്രിട്ടനില് നിന്നുള്ള വിമാനങ്ങള് വിലക്കിയത്. ഡിസംബര് 31 വരെയുണ്ടായിരുന്ന വിലക്ക് ജനുവരി ഏഴ് വരെയാണ് ഇപ്പോള് നീട്ടിയിരിക്കുന്നത്.
യുകെയില് നിന്നെത്തിയ 20 പേര്ക്ക് സ്ഥിരീകരിച്ചതായാണ് റിപ്പോര്ട്ട്. ഈ സാഹചര്യത്തിലാണ് വിമാനങ്ങള്ക്കുള്ള വിലക്ക് നീട്ടിയിരിക്കുന്നതെന്ന് വ്യോമായന മന്ത്രി ഹര്ദീപ് സിങ് പുരി അറിയിച്ചു.
രാജ്യത്ത് ആദ്യമായാണ് ജനിതക മാറ്റം സംഭവിച്ച കൊറോണ വൈറസ് ബാധ സ്ഥിരീകരിക്കുന്നത്. ബെംഗളൂരു നിംഹാന്സില് നടത്തിയ പരിശോധനയില് മൂന്നു പേര്ക്കും ഹൈദരാബാദിലെ സെന്റര് ഫോര് സെല്ലുലര് ആന്ഡ് മോളിക്യുലര് ബയോളജി ലാബില് പരിശോധിച്ച രണ്ട് പേര്ക്കും പൂനെ വൈറോളജി ഇന്സ്റ്റിറ്റ്യൂട്ടിലെ പരിശോധനയില് ഒരാള്ക്കുമാണ് രോഗ ബാധ കണ്ടെത്തിയതെന്ന് ആരോഗ്യ മന്ത്രാലയം വ്യക്തമാക്കി.
No comments