സൗദി അറേബ്യയില് കോവിഡ് ബാധിച്ചുള്ള പ്രതിദിന മരണം 10 മാസത്തെ ഏറ്റവും കുറഞ്ഞ നിരക്കില്
റിയാദ്: സൗദി അറേബ്യയില് കോവിഡ് ബാധിച്ചുള്ള പ്രതിദിന മരണം 10 മാസത്തെ ഏറ്റവും കുറഞ്ഞ നിരക്കില്. വെള്ളിയാഴ്ച രാജ്യത്ത് വിവിധ ഭാഗങ്ങളില് നിന്ന് മൂന്ന് മരണങ്ങള് മാത്രമാണ് റിപ്പോര്ട്ട് ചെയ്തത്. എന്നാല് പുതുതായി കോവിഡ് ബാധിക്കുന്നവരുടെ എണ്ണത്തില് നേരിയ വര്ധനയുണ്ട്. 173 കേസുകളാണ് പുതുതായി രജിസ്റ്റര് ചെയ്തത്. 181 രോഗികള് സുഖം പ്രാപിച്ചു.
ഇതോടെ രാജ്യത്ത് റിപ്പോര്ട്ട് ചെയ്ത കോവിഡ് കേസുകളുടെ ആകെ എണ്ണം 364613 ഉം രോഗമുക്തരുടെ എണ്ണം 356382 ഉം ആയി. ആകെ മരണസംഖ്യ 6313 ആയി ഉയര്ന്നു. അസുഖ ബാധിതരായി രാജ്യത്ത് ബാക്കിയുള്ള 1918 പേരില് 310 പേരുടെ നില ഗുരുതരമാണ്. ഇവര് രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്.
No comments