ഏഴ് മാസത്തെ ഇടവേളയ്ക്ക് ശേഷം സംസ്ഥാനത്തെ സ്കൂളുകള് ഇന്ന് തുറക്കും
തിരുവനന്തപുരം: ഏഴ് മാസത്തെ ഇടവേളയ്ക്ക് ശേഷം സംസ്ഥാനത്തെ സ്കൂളുകള് ഇന്ന് തുറക്കും. പത്താം ക്ലാസ്, പ്ലസ്ടു ക്ലാസുകളിലെ കുട്ടികളാണ് കര്ശന കൊവിഡ് മാനദണ്ഡങ്ങള് പാലിച്ച് സ്കൂളിലെത്തുന്നത്. കൊവിഡ് പ്രതിസന്ധിക്കിടയിലും പൊതുവിദ്യാലയങ്ങളില് ചേര്ന്ന കുട്ടികളുടെ എണ്ണത്തില് ഇക്കുറി വന് വര്ദ്ധനവുണ്ട്. ഒന്നേമുക്കാല് ലക്ഷം കുട്ടികളാണ് പൊതുവിദ്യാലയങ്ങളില് പുതുതായെത്തിയത്.
കൊവിഡും ലോക്ക്ഡൗണും മൂലം 286 ദിവസമായി അടച്ചിട്ടിരുന്ന സംസ്ഥാനത്തെ സ്കൂളുകളാണ് ഇന്ന് ഭാഗികമായി പ്രവര്ത്തനം തുടങ്ങുന്നത്. കര്ശന കൊവിഡ് മാനദണ്ഡങ്ങള് പാലിച്ചായിരിക്കും പ്രവര്ത്തനം. വായും മൂക്കും മൂടുന്ന രീതിയില് മാസ്ക് ധരിച്ച് മാത്രമേ സ്കൂളിലെത്താവൂ.
No comments