കോവിഡ് വാക്സിന് വിതരണത്തിന് സംവിധാനങ്ങള് ഒരുക്കുന്നതിനും ബോധവത്കരണ നടപടികള്ക്കും സജ്ജമാകാന് വിവിധ വകുപ്പുകള്ക്ക് ജില്ലാ കളക്ടര് എം. അഞ്ജന നിര്ദേശം നല്കി.
കൊല്ലം: കോവിഡ് വാക്സിന് വിതരണത്തിന് സംവിധാനങ്ങള് ഒരുക്കുന്നതിനും ബോധവത്കരണ നടപടികള്ക്കും സജ്ജമാകാന് വിവിധ വകുപ്പുകള്ക്ക് ജില്ലാ കളക്ടര് എം. അഞ്ജന നിര്ദേശം നല്കി. വാക്സിന് വിതരണവുമായി ബന്ധപ്പെട്ട ജില്ലാതല കര്മ്മസമിതി യോഗത്തില് സംസാരിക്കുകയായിരുന്നു കളക്ടര്.
വാക്സിന് ലഭ്യമാകുമ്ബോള് താമസം കൂടാതെ വിതരണം ചെയ്യുന്നതിന് ഓരോ വകുപ്പുകളും നിര്വഹിക്കേണ്ട ചുമതലകള് യോഗത്തില് വിശദമാക്കി. ആദ്യ ഘട്ടത്തില് ആരോഗ്യ പ്രവര്ത്തകര്ക്കാണ് പ്രതിരോധ മരുന്ന് നല്കുക. ഇതിനായി ഇതുവരെ 15157 ആരോഗ്യ പ്രവര്ത്തകരുടെ പട്ടിക തയ്യാറാക്കിയിട്ടുണ്ട്. അലോപ്പതി, ആയുര്വേദം, ഹോമിയോപ്പതി വിഭാഗങ്ങളിലെ ജീവനക്കാരും റെയില്വേയിലെയും മുനിസിപ്പാലിറ്റികളിലെയും ആരോഗ്യ വിഭാഗത്തില് ജോലി ചെയ്യുന്നവരും ഇതില് ഉള്പ്പെടും.
No comments