ഇംഗ്ലണ്ടിനെതിരായ ഒന്നാം ടെസ്റ്റിെന്റ ആദ്യ ഇന്നിങ്സില് അതിവേഗം മടങ്ങി ഇന്ത്യ.
ചെന്നൈ: ഇംഗ്ലണ്ടിനെതിരായ ഒന്നാം ടെസ്റ്റിെന്റ ആദ്യ ഇന്നിങ്സില് അതിവേഗം മടങ്ങി ഇന്ത്യ. ഇംഗ്ലീഷ് ബാറ്റിങ് ഉയര്ത്തിയ 578 എന്ന കൂറ്റന് സ്കോറിലേക്ക് ബാറ്റിങ് പുനരാരംഭിച്ച ഇന്ത്യ 337 റണ്സ് എടുക്കുന്നതിനിടെ എല്ലാവരും മടങ്ങി. ഇതോടെ, 241 റണ്സിെന്റ ഒന്നാം ഇന്നിങ്സ് ലീഡ് പിടിച്ച സന്ദര്ശകര് ഇന്ത്യയെ ഫോളോ ഓണ് ചെയ്യിക്കാമായിരുന്നിട്ടും അതിവേഗം റണ്മല തീര്ത്ത് സമ്മര്ദത്തിലാക്കാന് രണ്ടാം ഇന്നിങ്സ് ബാറ്റിങ് ആരംഭിച്ചു.
ആറു വിക്കറ്റ് നഷ്ടത്തില് 257 റണ്സ് എന്ന സ്കോറുമായി നാലാം ദിവസം ബാറ്റിങ് തുടങ്ങിയ ഇന്ത്യക്ക് 80 റണ്സ് മാത്രമേ അധികമായി ചേര്ക്കാനായുള്ളൂ. ഏഴാം വിക്കറ്റില് ഇന്ത്യക്കായി മികച്ച പ്രകടനം കാഴ്ചവെച്ച സുന്ദര്- അശ്വിന് സഖ്യം ഇന്നലെ 48 റണ്സ് കൂടി ചേര്ത്തശേഷമാണ് ഇംഗ്ലീഷ് ബൗളിങ്ങിനു മുന്നില് ആദ്യ കീഴടങ്ങല് നടത്തിയത്.
No comments