മുല്ലപ്പള്ളി കണ്ണൂരിലേക്ക്..?? പകരം സുധാകരൻ കെപിസിസി പ്രസിഡന്റ്..!! നിർണായക നീക്കം ഇങ്ങനെ..
കണ്ണൂര്: കണ്ണൂര് നിയോജക മണ്ഡലത്തില് മത്സരിക്കാന് യുഡിഎഫ് സ്ഥാനാര്ഥിയായി കെപിസിസി അധ്യക്ഷന് മുല്ലപ്പള്ളി രാമചന്ദ്രന് എത്തിയേക്കും.മുല്ലപ്പള്ളിയെ കണ്ണൂരില് മത്സരിക്കാന് നേതൃത്വത്തോട് നിര്ദേശിച്ചിരിക്കുന്നത് കെ.സുധാകരനാണെന്ന് സൂചന. മുല്ലപ്പള്ളിയെ കണ്ണൂരില് നിര്ത്തി ജയിപ്പിച്ചാല് പകരം മുല്ലപ്പള്ളിയുടെ പിന്തുണയോടെ കെ.സുധാകരന് കെപിസിസി അധ്യക്ഷ പദവിയിലെത്തിയേക്കും. മുല്ലപ്പള്ളി രാമചന്ദ്രന് കെപിസിസി അധ്യക്ഷനായതു മുതല് തദേശതെരഞ്ഞെടുപ്പ് വരെ കെപിസിസി അധ്യക്ഷനെ നിശിതമായി വിമര്ശിച്ചു വന്നയാളാണ് കെ.സുധാകരന്.
പലപ്പോഴും മുല്ലപ്പള്ളിയും സുധാകരന് മറുപടി കൊടുത്തിരുന്നു. എന്നാല്, കെ.സുധാകരനും മുല്ലപ്പള്ളിയും തമ്മിലുള്ള പ്രശ്നങ്ങള് ഒത്തു തീര്ന്നു. മുല്ലപ്പള്ളിയെ കണ്ണൂരില് മത്സരിക്കാന് കെ.സുധാകരന് പരസ്യമായി ക്ഷണിക്കുകയും ചെയ്തിരുന്നു. മുഖ്യമന്ത്രി പിണറായി വിജയനെതിരേ കെ.സുധാകരന് നടത്തിയ പരാമര്ശത്തില് ചില കോണ്ഗ്രസ് നേതാക്കള് വിമര്ശിച്ചപ്പോഴും സുധാകരന് ആദ്യം പിന്തുണയുമായെത്തിയതും മുല്ലപ്പള്ളി രാമചന്ദ്രനാണ്. മുഖ്യമന്ത്രിയെ വിമര്ശിച്ചതില് ജാതീയമായി ഒന്നുമില്ലെന്നും അത് കണ്ണൂര് രാഷ്ട്രീയത്തിന്റെ ശൈലിയാണെന്നും പറഞ്ഞ മുല്ലപ്പള്ളി രാമചന്ദ്രന് കോണ്ഗ്രസിന്റെ ശക്തനായ നേതാവാണ് സുധാകരൻ എന്നും പറഞ്ഞു.

No comments