സംസ്ഥാന നിയമസഭാ തിരഞ്ഞെടുപ്പിനൊപ്പം മലപ്പുറം ലോക്സഭാ മണ്ഡലത്തിലേക്കുള്ള ഉപതിരഞ്ഞെടുപ്പും നടത്തും.
തിരുവനന്തപുരം: സംസ്ഥാന നിയമസഭാ തിരഞ്ഞെടുപ്പിനൊപ്പം മലപ്പുറം ലോക്സഭാ മണ്ഡലത്തിലേക്കുള്ള ഉപതിരഞ്ഞെടുപ്പും നടത്തും. മുഖ്യതിരഞ്ഞെടുപ്പ് കമ്മീഷണര് സുനില് അറോറയാണ് ഇക്കാര്യം അറിയിച്ചത്. മലപ്പുറം, പാലക്കാട്, വയനാട് ജില്ലകള് പ്രശ്നബാധിതമാണെന്നും ഈ ജില്ലകളില് കൂടുതല് സുരക്ഷാ ഉദ്യോഗസ്ഥരെ നിയോഗിക്കുമെന്നും സുനില് അറോറ വ്യക്തമാക്കി.
കോവിഡ് മാനദണ്ഡങ്ങള് പാലിച്ചായിരിക്കും തിരഞ്ഞെടുപ്പ്. 40,000 പോളിങ് ബൂത്തുകള് ഇത്തവണ ക്രമീകരിക്കും. കോവിഡ് വ്യാപനം പരിഗണിച്ച് നിലവിലുള്ള 25,000 ബൂത്തുകള്ക്കൊപ്പം 15,000 അനുബന്ധ ബൂത്തുകള് കൂടി സജ്ജീകരിക്കാന് തീരുമാനിച്ചതായും സുനില് അറോറ അറിയിച്ചു. ലീഗ് ജനറല് സെക്രട്ടറിയും മലപ്പുറം ലോക്സഭാംഗവുമായിരുന്ന പി.കെ.കുഞ്ഞാലിക്കുട്ടി നിയമസഭാ തിരഞ്ഞെടുപ്പില് മത്സരിക്കാന് വേണ്ടിയാണ് എംപി സ്ഥാനം രാജിവച്ചത്.
No comments