ബംഗളൂരുവില് സൊമാറ്റോ ഡെലിവറി ബോയി മൂക്കിനിടിച്ചുവെന്ന് പരാതി നല്കിയ യുവതിക്കെതിരെ കേസെടുത്ത് പൊലീസ്.
ന്യൂഡല്ഹി: ബംഗളൂരുവില് സൊമാറ്റോ ഡെലിവറി ബോയി മൂക്കിനിടിച്ചുവെന്ന് പരാതി നല്കിയ യുവതിക്കെതിരെ കേസെടുത്ത് പൊലീസ്. സൊമാറ്റോ ജീവനക്കാരന് കാമരാജിന്റെ പരാതിയിലാണ് കേസ്.
ആക്രമണം, അപമാനിക്കല്, ഭീഷണിപ്പെടുത്തല്, ക്രിമിനല് കുറ്റകൃത്യം എന്നീ കുറ്റങ്ങള് ചുമത്തിയാണ് കേസെടുത്തിരിക്കുന്നത്. യുവതിയാണ് തന്നെ ആദ്യം മര്ദിച്ചതെന്നും ചെരുപ്പൂരി അടിക്കുന്നതിനിടെ അവരുടെ തന്നെ മോതിരം മൂക്കില് തട്ടിയാണ് യുവതിക്ക് പരിക്കേറ്റതെന്നും കാമരാജ് മൊഴി നല്കിയിരുന്നു. ഇതിനുപിന്നാലെയാണ് യുവതിക്കെതിരെ കാമരാജ് പരാതി നല്കിയത്.
ഓണ്ലൈനില് ഓര്ഡര് ചെയ്ത ഭക്ഷണം എത്തിക്കാന് വൈകിയതിനെ തുടര്ന്നുണ്ടായ തര്ക്കത്തില് സൊമാറ്റോ ഡെലിവറി ബോയി മര്ദിച്ചതായി കണ്ടന്റ് ക്രിയേറ്ററും മേക്കപ്പ് ആര്ട്ടിസ്റ്റുമായ ഹിതേഷ ചന്ദ്രാനെ പറയുന്ന വിഡിയോ സമൂഹമാധ്യമങ്ങളില് വന്തോതില് പ്രചരിച്ചിരുന്നു.
No comments