അഭ്യൂഹങ്ങള്ക്കിടെ സചിന് പൈലറ്റ് ഡല്ഹിയില്; കോണ്ഗ്രസ് നേതൃത്വത്തെ കാണും..!! ചില കാര്യങ്ങളിൽ..
ന്യൂഡല്ഹി: ബി.ജെ.പിയിലേക്കെന്ന അഭ്യൂഹങ്ങള് പരക്കുന്നതിനിടെ സചിന് പൈലറ്റ് ഡല്ഹിയില്. കോണ്ഗ്രസ് നേതൃത്വവുമായി കൂടിക്കാഴ്ച നടത്തുമെന്നാണ് വിവരം. രാജസ്ഥാന് മുഖ്യമന്ത്രി അശോക് ഗെഹ്ലോട്ടുമായി ഉടലെടുത്ത അഭിപ്രായഭിന്നതയില് നേതൃത്വം മുന്നോട്ടുവെച്ച വാഗ്ദാനങ്ങള് പാലിക്കാത്തതിനെ തുടര്ന്നാണ് കൂടിക്കാഴ്ചയെന്ന് അദ്ദേഹം പറഞ്ഞിരുന്നു.
രണ്ടുദിവസം മുമ്ബ് ഉത്തര്പ്രദേശ് കോണ്ഗ്രസിന്റെ നട്ടെല്ലായിരുന്ന ജിതിന് പ്രസാദ ബി.ജെ.പിയിലേക്ക് ചേക്കേറിയതിന് പിന്നാലെയുള്ള സചിന് പൈലറ്റിന്റെ നീക്കങ്ങള് കോണ്ഗ്രസിനുള്ളില് റെഡ് അലര്ട്ട് പ്രഖ്യാപിക്കാന് കാരണമായിട്ടുണ്ട്.
വെള്ളിയാഴ്ച വൈകിട്ടാണ് സചിന് പൈലറ്റ് ഡല്ഹിയിലെത്തിയത്.
സചിന് പൈലറ്റ് കോണ്ഗ്രസ് വിടുമെന്ന് സൂചിപ്പിച്ച് ബി.ജെ.പി നേതാവ് റീത്ത ബഹുഗുണ ജോഷി രംഗത്തെത്തിയിരുന്നു. സചിനുമായി സംസാരിച്ചെന്നും അദ്ദേഹം ഉടന് ബി.ജെ.പിയിലെത്തുമെന്നുമായിരുന്നു റീത്തയുടെ വാദം.
എന്നാല്, ഇതിനെതിരെ രൂക്ഷ പ്രതികരണവുമായി സചിന് പൈലറ്റ് രംഗത്തെത്തിയിരുന്നു. സചിനുമായി സംസാരിച്ചെന്ന് റീത്ത ബഹുഗുണ ജോഷി പറഞ്ഞു. അവര് സചിന് ടെണ്ടുല്ക്കറോടായിരിക്കും സംസാരിച്ചിട്ടുണ്ടാകുക. എന്നോട് സംസാരിക്കാനുള്ള ധൈര്യം അവര്ക്കില്ലെന്നും സചിന് പൈലറ്റ് പറഞ്ഞു.
കഴിഞ്ഞവര്ഷം ജ്യോതിരാദിത്യ സിന്ധ്യ കോണ്ഗ്രസ് വിട്ട് ബി.ജെ.പിയിലെത്തിയതോടെയാണ് ജിതിന് പ്രസാദയും സചിന് പൈലറ്റും റഡാറിനുള്ളിലായത്. ജിതിന് പ്രസാദ കൂടി പാര്ട്ടി വിട്ടതോടെ സചിന് പൈലറ്റിലേക്കായി എല്ലാ കണ്ണുകളും. താന് ഒരിക്കലും ബി.ജെ.പിയില് ചേരില്ലെന്നും അവരുടെ പശു രാഷ്ട്രീയത്തോട് േയാജിക്കില്ലെന്നും സചിന് പൈലറ്റ് വ്യക്തമാക്കിയിരുന്നു. കോണ്ഗ്രസിനുള്ളില് നിന്നുതന്നെ തന്റെ പങ്ക് ചോദിച്ചുവാങ്ങുമെന്നും പരിഷ്കാരങ്ങള്ക്കായി പ്രവര്ത്തിക്കുമെന്നുമായിരുന്നു സചിന്റെ പ്രതികരണം.
കഴിഞ്ഞവര്ഷം അശോക് ഗെഹ്ലോട്ടുമായി കൊമ്ബുകോര്ത്ത സചിന് പൈലറ്റ് കോണ്ഗ്രസ് നേതൃത്വം നല്കിയ വാഗ്ദാനങ്ങളെ തുടര്ന്ന് യുദ്ധം അവസാനിപ്പിക്കുകയായിരുന്നു.
No comments