ജനസംഖ്യ നിയന്ത്രണ നിയമം നടപ്പിലാക്കാന് ഒരുങ്ങി യോഗി സര്ക്കാര്.
ലഖ്നൗ: ഉത്തര്പ്രദേശില് വളരെ കര്ശനമായ ജനസംഖ്യ നിയന്ത്രണ നിയമം നടപ്പിലാക്കാന് ഒരുങ്ങി യോഗി സര്ക്കാര്. യോഗി സര്ക്കാര് പുറത്തിറക്കിയ നിയമത്തിന്റെ കരട് പ്രകാരം രണ്ടില് കൂടുതല് കുട്ടികള് ഉള്ള കുടുംബങ്ങള്ക്ക് സര്ക്കാര് പദ്ധതികളില് അടക്കം നിയന്ത്രണം ഏര്പ്പെടുത്തും. ഇതേ സമയം രണ്ട് കുട്ടികള് മാത്രമുള്ള കുടുംബങ്ങള്ക്ക് ഏറെ ആനുകൂല്യങ്ങളും നിയമം ഉറപ്പ് നല്കുകയും ചെയ്യുന്നു.
രണ്ടില് കൂടുതല് കുട്ടികള് ഉണ്ടാകുന്നവര്ക്ക് സര്ക്കാര് പദ്ധതികളില് നിന്നുള്ള ആനുകൂല്യം കുറയുമെന്നും അറിയിച്ചിട്ടുണ്ട്. ഒപ്പം റേഷന് കാര്ഡില് പരമാവധി നാല് യൂണിറ്റ് മാത്രമേ അനുവദിക്കൂ. രണ്ടില് ഏറെ കുട്ടികള് ഉള്ളവര്ക്ക് തദ്ദേശ തെരഞ്ഞെടുപ്പില് മത്സരിക്കാനോ, സര്ക്കാര് ജോലികളില് അപേക്ഷിക്കാനോ സാധിക്കുകയുമില്ല.
No comments