കനയ്യ കുമാറിന്റെ കോണ്ഗ്രസ് പ്രവേശനം സംബന്ധിച്ച് പ്രചരിക്കുന്ന വാര്ത്തകള് തെറ്റാണെന്ന് ഡി രാജ
കനയ്യ കുമാറിന്റെ കോണ്ഗ്രസ് പ്രവേശനം സംബന്ധിച്ച് പ്രചരിക്കുന്ന വാര്ത്തകള് തെറ്റാണെന്ന് ഡി രാജയും സിപിഐ സംസ്ഥാന സെക്രട്ടറി കാനം രാജേന്ദ്രനും നേരത്തെ തന്നെ പ്രതികരിച്ചിരുന്നു. സിപിഐ ദേശീയ എക്സിക്യൂട്ടീവ് അംഗമായ കനയ്യ കുമാര് പാര്ട്ടി വിട്ടുപോകുന്നത് ഗുണം ചെയ്യില്ലെന്നാണ് സിപിഐ കരുതുന്നത്. എന്നാല് കനയ്യകുമാറും ജിഗ്നേഷ് മേവാനിയും അടുത്ത ആഴ്ച തന്നെ കോണ്ഗ്രസില് ചേരുമെന്നാണ് റിപ്പോര്ട്ടുകള്. നേരത്തെ തന്നെ കോണ്ഗ്രസില് ചേരുന്നതുമായി ബന്ധപ്പെട്ട് രാഹുല് ഗാന്ധിയുമായി കനയ്യകുമാര് ചര്ച്ച നടത്തിയിരുന്നു.
എന്നാല്, കോണ്ഗ്രസില് ചേരുന്നതുമായി ബന്ധപ്പെട്ട് രണ്ടുപേരും ഔദ്യോഗികമായി സിപിഐയെ അറിയിച്ചിരുന്നില്ല. കോണ്ഗ്രസ് നേതൃത്വവും ഇത് സംബന്ധിച്ചുള്ള ഔദ്യോഗിക പ്രതികരണം ഇതുവരെ നല്കിയിട്ടില്ല.
ജിഗ്നേഷ് മേവാനിയെ ഗുജറാത്തിന്റെ വര്ക്കിങ് പ്രസിഡന്റ് ആക്കിയേക്കും എന്നാണ് സൂചന. അതേസമയം കനയ്യ കുമാറിനെ ബീഹാറിന്റെ വര്ക്കിങ് പ്രസിഡന്റാക്കുന്നതും സംബന്ധിച്ച ചര്ച്ചകള് നടക്കുന്നു എന്ന സൂചനകളുണ്ട്.
2019 തെരഞ്ഞെടുപ്പില് സിപിഐയില് കനയ്യ കുമാര് മത്സരിച്ചിരുന്നെങ്കിലും പരാജയപ്പെട്ടു. ശക്തമായ മത്സരം കാഴ്ചവെക്കുമെന്ന് പ്രതീക്ഷിച്ച കനയ്യ, ഗിരിരാജ് സിങ്ങിനോട് നാല് ലക്ഷത്തിലേറെ വോട്ടുകള്ക്കാണ് തോറ്റത്.
കനയ്യകുമാര് കോണ്ഗ്രസില് എത്തിയാല് യുവാക്കളെ പാര്ട്ടിയിലേക്ക് ആകര്ഷിക്കാന് സാധിക്കുമെന്നാണ് കണക്കുകൂട്ടല്. ജനങ്ങളെ സ്വാധീനിക്കുന്ന നേതാവ് എന്ന നിലയിലും കനയ്യ പാര്ട്ടിക്ക് ഗുണം ചെയ്യുമെന്നാണ് വിലയിരുത്തല്.
No comments