പഞ്ചാബിൽ വൻ ട്വിസ്റ്റ്..?? സിദ്ദുവിന്റെ രാജി ഹൈക്കമാന്ഡ് സ്വീകരിക്കുമെന്ന് സൂചന...!!
പഞ്ചാബ് കോണ്ഗ്രസ് അധ്യക്ഷന് നവ്ജോത് സിങ് സിദ്ദുവിന്റെ രാജി ഹൈക്കമാന്ഡ് അംഗീകരിക്കുമെന്ന് സൂചന.
സിദ്ദുവിന് മുന്നറിയിപ്പ് എന്ന നിലയില് രണ്വീത് സിങ് ബിട്ടുവിനെ പുതിയ കോണ്ഗ്രസ് അധ്യക്ഷനാക്കിയേക്കുമെന്നാണ് സൂചന.
സെപ്റ്റംബര് 28നാണ് സിദ്ദു പഞ്ചാബ് പി.സി.സി അധ്യക്ഷ സ്ഥാനം രാജിവച്ചത്. സിദ്ദുവിനെ മുഖ്യമന്ത്രി സ്ഥാനാര്ഥിയാക്കി ഉയര്ത്തിക്കാട്ടാന് കഴിയില്ലെന്ന ഹൈക്കമാന്ഡ് നിലപാടാണ് അദ്ദേഹത്തെ ചൊടിപ്പിച്ചതെന്ന് റിപ്പോര്ട്ടുകളുണ്ടായിരുന്നു.
സിദ്ദുവിനെ രാജിയില് നിന്ന പിന്വലിക്കാന് കോണ്ഗ്രസ് നേതാക്കള് സമ്മര്ദ്ദം ചെലുത്തിയിരുന്നു. എന്നാല് അദ്ദേഹം വഴങ്ങിയില്ല. ഇതോടെയാണ് സിദ്ദുവിന് മുന്നില് മുട്ടുമടക്കേണ്ടതില്ലെന്ന് പാര്ട്ടി തീരുമാനിച്ചത്. ബിട്ടുവിന് പുറമെ മനീഷ് തിവാരി, പ്രതാപ് സിങ് ബജ്വ എന്നിവരുടെ പേരുകളും പ്രസിഡന്റ് സ്ഥാനത്തേക്ക് പറഞ്ഞുകേള്ക്കുന്നുണ്ട്.
പഞ്ചാബിലെ ജനങ്ങളുടെ ക്ഷേമമാണ് പ്രധാനം. പദവിയുണ്ടെങ്കിലും ഇല്ലെങ്കിലും താന് രാഹുല് ഗാന്ധിക്കും പ്രിയങ്ക ഗാന്ധിക്കും പിറകെ നിലകൊള്ളുമെന്നും രാജിക്ക് പിന്നാലെ സിദ്ദു പ്രതികരിച്ചു. സിദ്ദുവിന്റെ രാജിക്ക് പിന്നാലെ കാബിനറ്റ് മന്ത്രി റസിയ സുല്ത്താനയും പി.സി.സി ജനറല് സെക്രട്ടറി യോഗിന്ദര് ധിന്ഗ്രയും രാജിവച്ചിരുന്നു.
അതിനിടെ മുന് പഞ്ചാബ് മുഖ്യമന്ത്രി അമരീന്ദര് സിങ് പുതിയ രാഷ്ട്രീയ പാര്ട്ടി രൂപീകരിച്ചേക്കുമെന്ന് റിപ്പോര്ട്ടുകളുണ്ട്. പഞ്ചാബ് വികാസ് പാര്ട്ടി എന്നാണ് പുതിയ പേരെന്നും അഭ്യൂഹമുണ്ട്.
No comments