ഗുജറാത്തില് ബിജെപി കോട്ട പിടിച്ച് കോണ്ഗ്രസ്..!! ഭന്വാദിലെ അട്ടിമറി വിജയം കാല്നൂറ്റാണ്ടിന് ശേഷം..
26 വര്ഷമായി ബിജെപി കൈവശം വച്ചിരുന്ന ഭന്വാദ് നഗരസഭയില് വമ്ബന് വിജയം നേടി കോണ്ഗ്രസ്. 24 ല് 16 സീറ്റും നേടിയാണ് കോണ്ഗ്രസ് അധികാരത്തിലെത്തിയത്.
ബിജെപിക്ക് എട്ടു സീറ്റില് മാത്രമേ വിജയിക്കാനായുള്ളൂ. 1995 മുതല് ബിജെപി തുടര്ച്ചയായി ജയിക്കുന്ന നഗരസഭയാണ് ഭന്വാദ്.
അതിനിടെ, ഗാന്ധിനഗര് മുന്സിപ്പല് കോര്പറേഷന് തെരഞ്ഞെടുപ്പില് ബി.ജെ.പിക്ക് വന്ജയം സ്വന്തമാക്കി. ആകെയുള്ള 44 സീറ്റുകളില് 41 സീറ്റുകളിലും ബി.ജെ.പി വിജയിച്ചു. കോണ്ഗ്രസിന് രണ്ട് സീറ്റുകളില് മാത്രമാണ് ജയിക്കാനായത്. ഒരു സീറ്റ് എ.എ.പി നേടി.
താര, ഓഖ മുനിസിപ്പാലിറ്റികളിലും ബിജെപി വിജയിച്ചു. താരയിലെ 24 സീറ്റില് 20 ഇടത്തും ബിജെപി വിജയം കണ്ടു. നാലു സീറ്റ് കോണ്ഗ്രസിന് ലഭിച്ചു. ഓഖയിലെ 36 സീറ്റില് 34ലും ജയിച്ചത് ബിജെപിയാണ്. കോണ്ഗ്രസിന് രണ്ടു സീറ്റ്. മൊത്തം 128 സീറ്റില് 103 സീറ്റിലാണ് ബിജെപി വിജയിച്ചത്. കോണ്ഗ്രസിന് 24 ഇടത്തേ വിജയം കണ്ടെത്താനായുള്ളൂ.
ഈ വര്ഷം ഏപ്രിലില് നടക്കേണ്ടിയിരുന്ന തെരഞ്ഞെടുപ്പ് കോവിഡ് കേസുകള് വര്ധിച്ചതിനെ തുടര്ന്ന് നീട്ടിവെക്കുകയായിരുന്നു. മുഖ്യമന്ത്രിയായിരുന്ന വിജയ് രൂപാണിയെ മാറ്റി ഭൂപേന്ദ്ര പട്ടേലിനെ മുഖ്യമന്ത്രിയാക്കിയതിന് ശേഷമുണ്ടായ വന് വിജയം ബി.ജെ.പിക്ക് വലിയ നേട്ടമായാണ് വിലയിരുത്തപ്പെടുന്നത്. ഈ വര്ഷം ഫെബ്രുവരിയില് നടന്ന തദ്ദേശ സ്വയംഭരണ തെരഞ്ഞെടുപ്പിലും ബി.ജെ.പി വന് വിജയം സ്വന്തമാക്കിയിരുന്നു.
No comments