കര്ണാടകയില് കോണ്ഗ്രസില് കൂറുമാറി ബി.ജെ.പി പക്ഷത്തേക്ക് എത്തിയ എം.എല്.എ എം.ടി.ബി നാഗരാജ് 10 കോടിയുടെ റോള്സ് റോയ്സ് സ്വന്തമാക്കി.
റോള്സ് റോയ്സ് ഫാന്റം മോഡലാണ് നാഗരാജ് വാങ്ങിയത്. ഇന്ത്യയില് ലഭ്യമാവുന്ന റോള്സ് റോയ്സിന്െറ ഏറ്റവും വില കൂടിയ മോഡലാണ് ഫാന്റം. ഏകദേശം 11 കോടിയാണ് മോഡലിന്െറ വിപണി വില.
കാറില് നിരവധി മാറ്റങ്ങള് വരുത്താനുള്ള സൗകര്യവും റോള്സ് റോയ്സ് നല്കുന്നുണ്ട്. അത്തരം സൗകര്യങ്ങള് നാഗരാജ് കൂട്ടിച്ചേര്ത്തിട്ടുണ്ടെങ്കില് മോഡലിന്െറ വില ഇനിയും ഉയരും.
ഫാന്റം സ്വന്തമാക്കിയതോടെ വില കൂടിയ കാറുകളുള്ള രാഷ്ട്രീയക്കാരുടെ പട്ടികയിലേക്കാണ് നാഗരാജും എത്തുന്നത്.
നാഗരാജ് റോള്സ് റോയ്സിനടുത്ത നില്ക്കുന്ന ചിത്രം കോണ്ഗ്രസ് വക്താവ് നിവേദിത് പോസ്റ്റ് ചെയ്തതോടെയാണ് സംഭവം വിവാദമായത്.
പുതിയ കാറില് നാഗരാജ് യെദിയൂരപ്പയെ കാണാനെത്തിയതായും വാര്ത്തകളുണ്ട്.
6.75 ലിറ്റര് പെട്രോള് എന്ജിനിന്െറ കരുത്തിലാണ് റോള്സ് റോയ്സ് ഫാന്റം വിപണിയിലെത്തുന്നത്. 563 ബി.എച്ച്.പിയാണ് പവര്. 900 എന്.എമ്മാണ് ടോര്ക്ക്.
No comments