കൂടെ വരുന്നോ..?? കോണ്ഗ്രസിന് ടി.എം.സി സഖ്യത്തില് ചേരാം -മമത ബാനര്ജി..
ബി.ജെ.പിയെ പരാജയപ്പെടുത്തല്ആണ് ലക്ഷ്യമെങ്കില് കോണ്ഗ്രസ് തൃണമൂല് കോണ്ഗ്രസ് സഖ്യത്തില് ചേരണമെന്ന് പശ്ചിമ ബംഗാള് മുഖ്യമന്ത്രിയും തൃണമൂല് നേതാവുമായ മമത ബാനര്ജി.
ഗോവയില് തെരഞ്ഞെടുപ്പ് പ്രചാരണത്തില് സംസാരിക്കുകയായിരുന്നു അവര്.
തൃണമൂല് കോണ്ഗ്രസ് ഹിന്ദു വിരുദ്ധ പാര്ട്ടിയല്ലെന്നും സാമുദായിക സൗഹാര്ദം പ്രോത്സാഹിപ്പിക്കുന്ന പാര്ട്ടിയാണെന്നും മമത പറഞ്ഞു. ബി.ജെ.പിയെ നേരിടാന് ഒന്നും ചെയ്യാതെ ഒരു മന്ദബുദ്ധിയായ ജമീന്ദാറിനെ പോലെയാണ് കോണ്ഗ്രസ് പാര്ട്ടി പെരുമാറുന്നത്. കോണ്ഗ്രസിനെതിരെ സംസാരിക്കാന് ഞാന് ആഗ്രഹിക്കുന്നില്ല. ബി.ജെ.പിയെ തോല്പ്പിക്കാന് കോണ്ഗ്രസ് വിചാരിക്കുന്നുവെങ്കില് ടി.എം.സി സഖ്യത്തില് ചേരുകയാണ് വേണ്ടത്. എം.ജി.പിയുമായി ചേര്ന്ന് ഗോവയില് ഞങ്ങള് സഖ്യമുണ്ടാക്കി. ഇതാണ് ബദല്. നിങ്ങള് ചേരാന് ആഗ്രഹിക്കുന്നു എങ്കില് അത് ചെയ്യുക. നിങ്ങള് അത് ചെയ്തില്ല എങ്കില് മറ്റാരും ചെയ്യില്ല -മമത പറഞ്ഞു.
No comments