കുറച്ച് കോണ്ഗ്രസ് കൗണ്സിലര്മാരെയും കൊണ്ട് പാര്ട്ടി വിട്ടാല് ഭാര്യക്ക് മേയര് പദവി..!! കോൺഗ്രസ് നേതാവ് പാർട്ടി വിട്ടു..!! പക്ഷേ ഭരണം കിട്ടിയില്ല..
ചണ്ഡിഗഢ് മുനിസിപ്പല് കോര്പറേഷന് തെരഞ്ഞെടുപ്പില് വിജയിച്ച് ദിവസങ്ങള് പിന്നിടുന്നതിന് മുമ്ബേ കോണ്ഗ്രസ് നേതാവ് ഹര്പ്രമീത് കൗര് ബബ്ല കോണ്ഗ്രസ് വിട്ട് ബി.ജെ.പിയില് ചേര്ന്നു.
ഹര്പ്രീതിനൊപ്പം ഭര്ത്താവും മുതിര്ന്ന കോണ്ഗ്രസ് നേതാവുമായ ദേവീന്ദര് സിങ് ബബ്ലയും ബി.ജെ.പിയില് ചേര്ന്നിട്ടുണ്ട്.
ഹരിയാന മുഖ്യമന്ത്രി മനോഹര്ലാല് ഖട്ടര്, ചണ്ഡിഗഢ് എം.പി കിരണ് ഖേര്, ചണ്ഡിഗഢ് ബി.ജെ.പി അധ്യക്ഷന് അരുണ് സൂദ്, മുന് അധ്യക്ഷന് സഞ്ജയ് ഠണ്ഡന് എന്നിവരുടെ സാന്നിധ്യത്തിലായിരുന്നു പാര്ട്ടി പ്രവേശനം.
മുനിസിപ്പല് തെരഞ്ഞെടുപ്പില് 10ാം വാര്ഡില് നിന്ന് കോണ്ഗ്രസ് ടിക്കറ്റിലായിരുന്നു ഹര്പ്രീത് വിജയിച്ചത്. കുറച്ച് കോണ്ഗ്രസ് കൗണ്സിലര്മാരെയും കൊണ്ട് പാര്ട്ടി വിട്ടാല് ഭാര്യക്ക് മേയര് പദവി നല്കാമെന്ന് ദേവീന്ദറിന് ബി.ജെ.പി വാഗ്ദാനം നല്കിയതായാണ് വിവരം.
അടുത്തിടെ നടന്ന ചണ്ഡിഗഢ് മുനിസിപ്പല് കോര്പറേഷന് തെരഞ്ഞെടുപ്പില് ആം ആദ്മി പാര്ട്ടി 14 സീറ്റുകള് നേടി മികച്ച പ്രകടനം കാഴ്ചവെച്ചിരുന്നു. ബി.ജെ.പി 12 സീറ്റുകള് നേടിയപ്പോള് കോണ്ഗ്രസിന് എട്ട് സീറ്റുകള് ലഭിച്ചു. ഒരു സീറ്റില് ശിരോമണി അകാലിദള് വിജയിച്ചു. 35 അംഗങ്ങളുള്ള കോര്പറേഷനില് സ്വന്തം സ്ഥാനാര്ഥിയെ മേയറാക്കി വിജയിപ്പിക്കാന് 19 അംഗങ്ങളുടെ പിന്തുണ വേണം. 35 കൗണ്സിലര്മാരെ കൂടാതെ എം.പിക്കും വോട്ടവകാശമുണ്ട്.
No comments