വൻ ജന പങ്കാളിത്തം.. യു.പിയില് കോണ്ഗ്രസിന്റെ മാരത്തണില് തിക്കും തിരക്കും..!!
രാജ്യത്ത് കോവിഡ് ആശങ്ക പടരുമ്ബോഴും ഉത്തര്പ്രദേശില് തിക്കും തിരക്കുമായി കോണ്ഗ്രസിന്റെ മാരത്തണ് ഓട്ടം.
തെരഞ്ഞെടുപ്പ് പ്രചാരണത്തിന്റെ ഭാഗമായാണ് 'സ്ത്രീകള്ക്കും പോരാടാം' കാമ്ബയിന്. രാവിലെ അരങ്ങേറിയ പരിപാടിയില് ആയിരക്കണക്കിന് പെണ്കുട്ടികളാണ് പങ്കെടുത്തത്.
യു.പിയിലെ ബറേലിയില് നടന്ന മാരത്തണില് പങ്കെടുക്കാനായി മാസ്ക് പോലും ധരിക്കാതെയാണ് നിരവധി പെണ്കുട്ടികളെത്തിയത്. തിക്കിലും തിരക്കിലും വീണ നരവധി പെണ്കുട്ടികള്ക്ക് പരിക്കേറ്റു.
കോണ്ഗ്രസ് നേതാവും ബറേലി മുന് മേയറുമായ സുപ്രിയ അരോണിന്റെ നേതൃത്വത്തിലായിരുന്നു പരിപാടി. 'ആയിരക്കണക്കിന് പേര് വൈഷ്ണോദേവി ക്ഷേത്രത്തില് പോയി. അതിനെക്കുറിച്ച് എന്താണ് പറയാനുള്ളത്? ഇത് വളരെ മാനുഷികമായ ഒരു കാര്യമാണ്. ഇവര് സ്കൂള് വിദ്യാര്ഥിനികളാണ്. എന്തെങ്കിലും കാരണത്താല് ആര്ക്കെങ്കിലും വിഷമമായെങ്കില് കോണ്ഗ്രസിന് വേണ്ടി അവരോട് ഞാന് ക്ഷമ ചോദിക്കുന്നു' -അവര് പ്രതികരിച്ചു.
No comments