ഇതാണ് കോണ്ഗ്രസിന്റെ വാഗ്ദാനം..!! നിറവേറ്റാനായില്ലെങ്കില് രാഷ്ട്രീയം വിടുമെന്ന് സിദ്ദു..
പഞ്ചാബില് കോണ്ഗ്രസ് അധികാരം നിലനിര്ത്തിയാല് അഞ്ച് ലക്ഷം തൊഴിലവസരങ്ങള് സൃഷ്ടിക്കുമെന്ന് വാഗ്ദാനവുമായി പി.സി.സി അധ്യക്ഷന് നവ്ജോത് സിങ് സിദ്ദു.
ജോലി നല്കാനായില്ലെങ്കില് താന് രാഷ്ട്രീയം വിടുമെന്നും സിദ്ദു അറിയിച്ചു.
13 ഇന പരിപാടി പാവപ്പെട്ട ജനങ്ങളുടെ ഉന്നമനത്തിന് വേണ്ടിയാണെന്ന് ഫഗ്വാര എം.എല്.എ ബല്വീന്ദര് സിങ് ധലിവാര് സംഘടിപ്പിച്ച റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
'സംസ്ഥാനത്ത് കോണ്ഗ്രസ് അധികാരത്തില് തിരിച്ചെത്തിയതിന് ശേഷം അഞ്ച് ലക്ഷം തൊഴിലവസരങ്ങള് നല്കിയില്ലെങ്കില് രാഷ്ട്രീയം ഉപേക്ഷിക്കുമെന്ന് ഞാന് ഉറപ്പ് നല്കുന്നു'-സിദ്ദു പറഞ്ഞു.
പാര്ട്ടിയില് ചേര്ന്നില്ലെങ്കില് കേന്ദ്ര ഏജന്സികളുടെ നടപടി നേരിടേണ്ടി വരുമെന്ന് രാഷ്ട്രീയക്കാരെ ഭീഷണിപ്പെടുത്തുകയാണ് ബി.ജെ.പിയുടെ പരിപാടിയെന്ന് സിദ്ദു കുറ്റപ്പെടുത്തി. 22000 അധ്യാപകര് റോഡരികിലിരിക്കുമ്ബോഴും ഡല്ഹി മുഖ്യമന്ത്രി അരവിന്ദ് കെജ്രിവാള് ഒന്നും ചെയ്യുന്നില്ലെന്നും സിദ്ദു വിമര്ശിച്ചു.
No comments