മട്ടന്നൂര്‍: കണ്ണൂര്‍ വിമാനത്താവളത്തില്‍ നിന്ന് ഇന്‍ഡിഗോ കമ്ബനിയുടെ വിമാന സര്‍വീസ് ജനുവരി അഞ്ചോടെ ആരംഭിക്കും. ആഭ്യന്തര സര്‍വീസുകളാണ് കണ്ണൂരില്‍ നിന്ന് ഇന്‍ഡിഗോ നടത്തുക. ഇതു സംബന്ധിച്ച അനുമതി ഡി. ജി. സി. എ. ഇന്‍ഡിഗോയ്ക്ക് നല്‍കിയിരുന്നു. ഉഡാന്‍ സര്‍വീസിനായി നല്‍കിയ അപേക്ഷയിലാണ് അനുമതി ലഭിച്ചിരിക്കുന്നത്. ഇന്‍ഡിഗോ കമ്ബനി പ്രതിനിധികള്‍ കഴിഞ്ഞ ദിവസം കിയാല്‍ അധികൃതരുമായി ചര്‍ച്ച നടത്തിയിരുന്നു. ഡിസംബറില്‍ ത്തന്നെ സര്‍വീസ് തുടങ്ങുന്നത് പരിഗണിക്കാന്‍ കിയാല്‍ ആവശ്യപ്പെട്ടിട്ടുണ്ട്. വിമാനങ്ങളില്‍ യാത്ര ക്കാരെ ടെര്‍മിനല്‍ കെട്ടിടത്തിലെത്തിക്കാനുള്ള ഇന്‍ഡിഗോ എയര്‍ ലൈന്‍സിന്റെ ബസ്സും കണ്ണൂരിലെത്തിച്ചിട്ടുണ്ട്.
No comments