കൊച്ചി: അഴീക്കോട് എം എൽ എ കെ എം ഷാജിയെ അയോഗ്യനാക്കി ഹൈക്കോടതി. വീണ്ടും തിരഞ്ഞെടുപ്പ് നടത്തണമെന്നും കോടതി ഉത്തരവിട്ടു. ആറു വർഷത്തേക്കാണ് അയോഗ്യത. 2016 ലെ നിയമസഭാ തിരഞ്ഞെടുപ്പിൽ വർഗീയ പ്രചരണം നടത്തിയെന്ന എതിർ സ്ഥാനാർഥി എം വി നികേഷ് കുമാർ നൽകിയ ഹർജിയിലാണ് ഹൈക്കോടതി വിധി പ്രഖ്യാപിച്ചത്. ഷാജി തിരഞ്ഞെടുപ്പു പെരുമാറ്റ ച്ചട്ടം ലംഘിച്ചു വെന്നു ചൂണ്ടി ക്കാണിച്ചാണ് കോടതി നടപടി. ജസ്റ്റിസ് പി ഡി രാജൻ അധ്യക്ഷനായ ബെഞ്ചിന്റെതാണ് വിധി. നികേഷ് കുമാറിന് അമ്പതിനായിരം രൂപ കോടതി ചെലവ് നൽകണമെന്നും കോടതി വിധിച്ചു മുസ്ലിം ലീഗ് സ്ഥാനാർഥിയായിരുന്ന ഷാജി, വോട്ട് നേടാൻ വർഗീയ പ്രചരണം നടത്തിയെന്നാണ് എൽ ഡി എഫ് സ്ഥാനാർഥിയായിരുന്ന നികേഷ് കുമാർ ഹർജിയിൽ ആരോപിച്ചിരുന്നത്. ഷാജിയെ അയോഗ്യനാക്കണമെന്നും തന്നെ വിജയിയാക്കി പ്രഖ്യാപിക്കണമെന്നുമായിരുന്നു നികേഷ് കുമാർ ഹർജിയിൽ ആവശ്യപ്പെട്ടിരുന്നു. എന്നാൽ വിജയിയായി പ്രഖ്യാപിക്കണമെന്ന നികേഷിന്റെ ആവശ്യം കോടതി തള്ളി. പകരം തിരഞ്ഞെടുപ്പ് നടത്താൻ കോടതി ഉത്തരവിട്ടു.
No comments