'ഞങ്ങൾ വിളിച്ചാൽ വരാതിരിക്കാൻ ലാലിന് കഴിയുമോ'? 20 മണ്ഡലങ്ങളുമൊരുക്കി സൂപ്പർ സ്‌റ്റാറിന്റെ വരവിനായി കാത്ത് ബി.ജെ.പി
ഇതിനോടകം തന്നെ ഇതുമായി ബന്ധപ്പെട്ട് വിവിധകോണുകളിൽ നിന്നായി പലവാർത്തകളും പുറത്തു വന്നുകഴിഞ്ഞു. തിരഞ്ഞെടുപ്പിൽ മത്സരിക്കുന്നതുമായി ബന്ധപ്പെട്ട് തങ്ങൾ മോഹൻലാലിനെ സമീപിച്ചു കഴിഞ്ഞെന്ന് മുതിർന്ന നേതാവ് ഒ.രാജഗോപാൽ വ്യക്തമാക്കിയതോടെയാണ് പുതിയ ചർച്ചകൾക്ക് വഴിവച്ചത്.
മത്സരിക്കാൻ തയ്യാറാണെങ്കിൽ കേരളത്തിലെ 20 പാർലമെന്റ് മണ്ഡലങ്ങളിലെയും പാർട്ടി പ്രവർത്തകർ അദ്ദേഹത്തെ സ്ഥാനാർത്ഥിയാക്കാൻ ഒരുക്കമാണെന്ന് ബി.ജെ.പി സംസ്ഥാന ജനറൽ സെക്രട്ടറി എം.ടി രമേശ് കഴിഞ്ഞദിവസം പ്രഖ്യാപിച്ചിരുന്നു.
എന്നാൽ മോഹൻലാൽ മത്സരിക്കുന്നതിനോട് കടുത്ത എതിർപ്പാണ് അദ്ദേഹത്തിന്റെ ഫാൻസ് അസോസിയേഷനുകൾ മുന്നോട്ടു വച്ചിരിക്കുന്നത്.
മോഹൻലാലിന് രാഷ്ട്രീയ നിലപാടുകളുണ്ടാകാം. എന്നാൽ അദ്ദേഹത്തിന് സിനിമയിൽ തുടരാനാണ് താത്പര്യമെന്നായിരുന്നു ലാലിന്റെ അടുത്ത സുഹൃത്തും നിർമ്മാതാവുമായ സുരേഷ് കുമാറിന്റെ പ്രതികരണം.
എന്തായാലും സൂപ്പർതാരത്തിന്റെ പ്രതികരണത്തിനായി കാത്തിരിക്കുയാണ് രാഷ്ട്രീയ കേരളവും ആരാധകരും.
No comments