സമരത്തിനൊപ്പം നിന്നവര്‍ക്കെല്ലാം കണ്ണീരോടെ നന്ദി പറഞ്ഞ് ദയാഭായി
തിരുവനന്തപുരം: സമരത്തിനൊപ്പം നിന്ന എല്ലാവര്‍ക്കും കണ്ണീരോടെ നന്ദി പറഞ്ഞ് ദയാഭായി. സ‍ര്‍ക്കാരുമായുള്ള സമരസമിതിയുടെ ചര്‍ച്ച വിജയമാണെന്ന പ്രഖ്യാപനത്തിന് ശേഷം മാധ്യമങ്ങളെ കണ്ട് സംസാരിക്കുകയായിരുന്നു ദയാഭായി. 'തനിക്ക് പറയുവാന്‍ വാക്കുകള്‍ കിട്ടുന്നില്ലെന്ന്' പറഞ്ഞ ദയാഭായി എന്‍ഡോസള്‍ഫാന്‍ ബാധിതരായ കുട്ടികളുടെ വേദനയും വിഷമവും കഷ്ടപ്പാടും മനസ്സിലാക്കിയ എല്ലാവര്‍ക്കും തന്റെ നന്ദിയും സ്നേഹവും അറിയിച്ചു.
തന്നെക്കുറിച്ചും തനിക്കെതിരെയും പറഞ്ഞവരോടൊന്നും ദേഷ്യമോ വിഷമമോ ഒന്നുമില്ലെന്നും അതെല്ലാം താന്‍ ഈ സമരത്തിന് നല്‍കിയ വിലയാണെന്നും ദയാഭായി വ്യക്തമാക്കി . എന്‍ഡോസള്‍ഫാന്‍ സമര സമിതിയുമായി മുഖ്യമന്ത്രി നടത്തിയ ചര്‍ച്ച വിജയിച്ചതിനെത്തുടര്‍ന്ന് സെക്രട്ടേറിയറ്റിന് മുന്നില്‍ നടത്തി വന്ന പട്ടിണി സമരം അവസാനിപ്പിക്കാന്‍ സമരസമിതി തീരുമാനിച്ചു.
No comments