പല സംസ്ഥാനങ്ങളിലും കോൺഗ്രസും മറ്റു പാർട്ടികളും ഇടത് പക്ഷത്തെ അകറ്റി.. നാഷണൽ പാർട്ടിയും ചിഹ്നവും നിലനിർത്താൻ പെടാപാട് പെട്ട് ഇടതുപക്ഷ പാർട്ടികൾ പ്രതിസന്ധിയിൽ..
ഇന്ത്യയിലെ ഏറ്റവും വലിയ ഇടതുപക്ഷ പാര്ട്ടിയായ സിപിഐഎം കോണ്ഗ്രസുമായി പശ്ചിമ ബംഗാളില് സഖ്യം രൂപികരിക്കുമെന്ന് വാര്ത്തകള് പുറത്തു വന്നിരുന്നെങ്കിലും കോണ്ഗ്രസില് നിന്ന് വലിയ തിരിച്ചടിയാണ് ബംഗാളില് സിപിഐഎമ്മിന് ഉണ്ടായിരിക്കുന്നത്.
നിലവില് സിപിഐഎം ഒറ്റയ്ക്കാണ് ബംഗാളില് മത്സരിക്കുന്നത്.
ബിഹാറില് രാഷ്ട്രീയ ജനതാദള് ഒരൊറ്റ സീറ്റു പോലും സിപിഐഎമ്മിന് തങ്ങളുടെ സാന്നിധ്യം അറിയിക്കുന്നതിനായി നല്കിയില്ല. മഹാരാഷ്ട്രയില് വന് കര്ഷകറാലികള് ഇടതുപക്ഷ പാര്ട്ടികള് സംഘടിപ്പിച്ചിരുന്നെങ്കിലും ദിന്തോരി ലോക്സഭ മണ്ഡലം ഇടതുപക്ഷത്തിന് നല്കാന് നാഷണല് കോണ്ഗ്രസ് പാര്ട്ടി തയ്യാറായിട്ടില്ല.
സിപിഐ ബിഹാറില് ആര്ജെഡി നയിക്കുന്ന മഹാസഖ്യത്തിന്റെ ഭാഗമായി ഒരു സീറ്റ് പ്രതീക്ഷിച്ചിരുന്നു. എന്നാല് അവസാന നിമിഷം സിപിഐയ്ക്ക് ആ സീറ്റ് നഷ്ടപ്പെടുകയായിരുന്നു.
No comments