പാര്ട്ടി പറഞ്ഞാല് മത്സരിക്കാന് ബാധ്യസ്ഥന്: സിദ്ദിഖ്
കോഴിക്കോട്: മോദിയെ പുറത്താക്കാന് കേരളം എന്ന മുദ്രാവാക്യവുമായി കോണ്ഗ്രസ് സംഘടിപ്പിക്കുന്ന ജനമഹാറാലിയുടെ ഭാഗമായുള്ള മഹാപൊതുസമ്മേളനം നാളെ കോഴിക്കോട് ബീച്ചില് എഐഎസിസി അധ്യക്ഷന് രാഹുല് ഗാന്ധി ഉദ്ഘാടനം ചെയ്യും. വൈകുന്നേരം നാലിന് നടക്കുന്ന സമ്മേളനം കേരളത്തിലെ യുഡിഎഫിന്റെ തെരഞ്ഞെടുപ്പ് പ്രചാരണ പ്രവര്ത്തനങ്ങളുടെ കേളികൊട്ടായിമാറുമെന്ന് ഡിസിസി പ്രസിഡന്റ് ടി. സിദ്ദിഖ് അറിയിച്ചു.
മുതിര്ന്ന കോണ്ഗ്രസ് നേതാവ് എ.കെ. ആന്റണി, എഐസിസി ജനറല് സെക്രട്ടറി മുകുള് വാസ്നിക്, മുന്മുഖ്യമന്ത്രി ഉമ്മന്ചാണ്ടി എന്നിവരുള്പ്പെടെയുള്ള നേതാക്കള് പങ്കെടുക്കും. 20 ലോക്സഭാമണ്ഡലങ്ങളിലും മോദിക്കെതിരേ രാഹുല്ഗാന്ധി എന്ന സന്ദേശം മുന്നോട്ടുവച്ചാകും പ്രചാരണ പ്രവര്ത്തനങ്ങള്. സിപിഎം ഉള്പ്പെടെയുള്ളമറ്റുപാര്ട്ടികള് ഈ പോരാട്ടത്തില് അപ്രസക്തരാകും.
സ്ഥാനാര്ഥികളെ പ്രഖ്യാപിക്കേണ്ട സമയത്ത് ഹൈക്കമാന്ഡ് പ്രഖ്യാപിക്കും. വൈകി എന്ന തോന്നല് വേണ്ട. താനുള്പ്പെടെയുള്ള നേതാക്കള് പാര്ട്ടി പറഞ്ഞാല് മത്സരിക്കാന് ബാധ്യസ്ഥരാണ്. മികച്ച വിജയമാണ് യുഡിഎഫ് ലക്ഷ്യമിടുന്നതെന്നും സിദ്ദിഖ് കൂട്ടിച്ചേര്ത്തു.
No comments