രാഹുൽ ഗാന്ധിയുടെ കരങ്ങൾക്ക് ശക്തി പകരാൻ 16 മുതല്‍ 18 വരെ സീറ്റ് യുഡിഎഫിനു ലഭിച്ചേക്കാമെന്ന് കോണ്‍ഗ്രസിന്റെ വിലയിരുത്തല്‍..
പാലക്കാട്, ആറ്റിങ്ങല്‍ സീറ്റുകളൊഴികെ 18 ലും വിജയസാധ്യതയുണ്ടെന്നാണു നേതൃത്വത്തിന്റെ അനുമാനം. പാലക്കാട്ട് പ്രചാരണ പ്രവര്‍ത്തനങ്ങളില്‍ ഏകോപന ക്കുറവുണ്ടായെന്നാണു വിലയിരുത്തല്‍.
മറ്റൊരു ഇടതുകോട്ടയായ ആറ്റിങ്ങലില്‍ യുഡിഎഫ് സ്ഥാനാര്‍ഥി അടൂര്‍ പ്രകാശ് വിള്ളലുണ്ടാക്കിയെന്നതില്‍ തര്‍ക്കമില്ല. അതേസമയം അതു വിജയത്തിലേക്ക് എത്തുമോയെന്നതാണു സംശയം.
രണ്ടു കോണ്‍ഗ്രസ് നേതാക്കള്‍ക്കെതിരെ സംസ്ഥാന നേതൃത്വത്തിനു പരാതിയും ലഭിച്ചിട്ടുണ്ട്.
ഇടതിന്റെ ശക്തി ദുര്‍ഗങ്ങളായ ആലത്തൂരിലും കാസര്‍കോട്ടും വന്‍മുന്നേറ്റം നടത്തിയെന്നാണു കോണ്‍ഗ്രസ് നിഗമനം.
തീവ്രമായ ത്രികോണ മത്സരം നടന്ന പത്തനംതിട്ടയില്‍ സിറ്റിങ് എംപി ആന്റോ ആന്റണി കടന്നു കൂടുമെന്നാണു പ്രതീക്ഷയെങ്കിലും വിവിധ ഘടകങ്ങള്‍ പ്രവചനാതീതമായ നിലയുണ്ടാക്കിയെന്ന വിശകലനം നേതൃത്വം പൂര്‍ണമായും തള്ളുന്നില്ല.
മലപ്പുറവും പൊന്നാനിയുടെ കോട്ടയവും ഘടക കക്ഷികൾക്ക് ഉറച്ച പ്രതീക്ഷയാണ് നൽകുന്നത്. കൊല്ലത്തും പ്രേമചന്ദ്രന്റെ വ്യക്തി പ്രഭാവം വോട്ടായി മാറും. രാഹുൽ ഗാന്ധി മത്സരിക്കുന്ന വയനാടും, യുവ രക്തങ്ങൾ മത്സരിക്കുന്ന എറണാകുളത്തും ഇടുക്കിയിലും ഉറച്ച പ്രതീക്ഷയാണ്.
No comments